Клітэмнестра
Клітэмнестра (стар.-грэч. Κλυταιμνήστρα, сустракаецца напісанне Клітэместра) — дачка Леды і Тындарэя, жонка Агамемнана. Згаданая ў «Іліядзе» (I 113) і «Адысеі».
Сюжэт у міфалогіі [правіць]
У старажытнагрэчаскай міфалогіі дачка спартанскага цара Тындарэя і Леды (па версіі, другая), сястра Алены і Дыяскураў. Па адной з версій, першапачаткова была жонкай Тантала. Выдадзена замуж за мікенскай цара Агамемнана, які ўзначаліў грэчаскае войска ў паходзе на Трою.
У адсутнасць мужа Клітэмнестра здрадзіла яму з яго стрыечным братам Эгісфам, падахвочаная Наўпліем, і па вяртанні Агамемнана забіла яго і яго палюбоўніцу Касандру.
Пасля Клітэмнестра разам з Эгісфам была забітая уласным сынам Арэстам, які адпомсціў ёй за гібель бацькі. У ноч перад смерцю ёй прыснілася, што да яе паўзе змей і кусае ў цемя. Паводле Эсхілу, ёй снілася, што яна нарадзіла змея, які ўкусіў яе за грудзі. Па іншай версіі, ёй прыснілася, што царскі посах Агаемнана прарос і ператварыўся ў дрэва.
Пахаваная ў баку ад гарадской сцяны Мікен.
Літаратура [правіць]
- БЭ ў 18 тамах. Т.8, Мн., 1999, С.346
Спасылкі [правіць]
На ВікіСховішчы ёсць медыяфайлы па тэме Клітэмнестра- Галерэя
 |
Гэта пачатак артыкула па антычнай міфалогіі. Вы можаце дапамагчы праекту, выправіўшы і дапоўніўшы яго. |
