Кніга Лічбаў

Лічбы (בְּמִדְבַּר)
Валаамава асліца. Рэмбрант.
Раздзел:	Пяцікніжжа
Мова арыгінала:	яўрэйская
Мясцовасць:	Егіпет, Сінайскі паўвостраў
Папярэдняя (праваслаўе):	Кніга Левіт
Наступная:	Кніга Другі закон
Медыяфайлы на Вікісховішчы

Кніга «Лічбы» (іўр.: בְּמִדְבַּר‏‎, Бэ-мідбар — «У пустыні»; лац.: Numeri; стар.-грэч.: Ἀριθμοί) — кніга Бібліі (частка Старога Запавету), якая апісвае гісторыю яўрэяў пасля зыходу з Егіпта.

Распавядаецца пра знаходжанне Ізраэля каля гары Сінай, вандроўкі па пустыні і прыпынак у Кадэшы, дадатковыя законы і прыказанні, войны з суседнімі народамі, нарэшце, паход у Мааб і дзеі прарока Валаама. Назва кнігі паходзіць ад перапісу ўсіх, здольных да бою, пра які гаворыцца ў першых раздзелах кнігі, а таксама ў канцы.

Біблія Францыска Скарыны

Асноўны артыкул: Кніга Лічбы (Скарына)

Надрукаваная Ф. Скарынам у Празе кніга «Лічбы» (1519) захавалася ў 17 асобніках. У гэтым выданні Скарыны змешчана толькі адна арыгінальная гравюра «Людие ізраилевы с полки своими около храму божия», якая знаходзіцца на тытульным аркушы кнігі. Астатнія ілюстрацыі ўзятыя з папярэдніх выданняў. Так, застаўка да самога тэксту кнігі запазычана з выдання кнігі «Ісус Сірахаў», а віньетка да скарынаўскага пасляслоўя — з прадмовы да кнігі «Левіт».

Пераклады

• Кніга Лічбы (Скарына)
• Чацьвертая кніга Масеява - Лікі ў перакладзе Яна Станкевіча і Майсея Гітліна
• Лікі ў перакладзе Васіля Сёмухі
• Кніга Лічбаў ў перакладзе Уладзіслава Чарняўскага
• Кніга Лічбаў у перакладзе Біблейскага таварыства ў Рэспубліцы Беларусь
• Лікі ў перакладзе Антонія Бокуна

Літаратура

• Скарына Ф. Творы: Прадмовы, сказанні, пасляслоўі, акафісты, пасхалія / Уступ. арт., падрыхт. тэкстаў, камент., слоўнік А. Ф. Коршунава, паказальнікі А. Ф. Коршунава, В. А. Чамярыцкага. — Мн.: Навука і тэхніка, 1990. — С. 168. — 207 с.: іл. ISBN 5-343-00151-3.
• Шамякіна Т. Біблія // Міфалогія і беларуская літаратура: нарысы і эсэ: для ст. шк. узросту / Таццяна Шамякіна. — Мінск: Маст. літ., 2008. — С. 257—280. ISBN 978-985-02-0925-2.