Кніга прарока Данііла

З пляцоўкі Вікіпедыя
(Пасля перасылкі з Кніга Прарок Данііл)
Перайсці да: рух, знайсці
Ілюстрацыя да 3 раздзела кнігі Данііла

Кні́га праро́ка Даніі́ла (іўр.: דָּנִיֵּאל, Dānī’ēlБог мой суддзя) — кніга кананічнага Старога Запавету, 35-я частка Танаху, 9-я кніга Кетувім.

У грэчаскіх перакладах Бібліі (Септуагінта, рэдакцыя Тэадатыёна) і хрысціянскай традыцыі кніга прарока Данііла займае чацвертае месца сярод прароцкіх кніг. У іўдзейскай і пратэстанцкай версіях кніга падзеленая на дзве часткі па 6 раздзелаў, паміж якімі няма непасрэднай сувязі, за выняткам асобы Данііла[1].

Кароткі змест[правіць | правіць зыходнік]

Першая, гістарычная частка (раздзелы 1—6), апісвае жыццё прарока Данііла і тагачасныя падзеі ў вавілонскім і міда-персідскіх царствах, у якіх ён або яго сябры бралі непасрэдны ўдзел. У другой частцы (раздзелы 7—12) апісаныя відзежы і адкрыцці, дадзеныя Даніілу, датычныя лёсу Іўдзеі і паганскіх царстваў, якія мелі ўплыў на гісторыю Божага народа.

Разнастайныя паводле зместу, абедзве часткі кнігі прарока Данііла раскрываюць адно вучэнне пра сусветнае Царства Боскае і Сына Чалавечага ў іхнім трыумфе над паганствам.

Дадаткі[правіць | правіць зыходнік]

У напісанай на кайнэ версіі Септуагінты прысутнічаюць яшчэ тры раздзелы кнігі Данііла, якіх няма ў яўрэйска-арамейскім тэксце. Гэтыя раздзелы ўключаныя ў канон рымска-каталіцкай, праваслаўнай, усходніх і асірыйскай Біблій, аднак большасць пратэстанцкіх цэркваў лічаць іх апакрыфічнымі.

Змест дадаткаў:

Аўтарства[правіць | правіць зыходнік]

Аўтарам кнігі традыцыйна лічаць прарока Данііла, знатнага іўдзея (1:3,6), які ў трэці год валадарання цара Іаакіма быў забраны ў Вавілон (1:1,3-6), дзе выхоўваўся пры царскім двары (1:4,17-18). Першая частка, якая распавядае пра жыццё Данііла пры вавілонскім двары (раздзелы 1—6), датаваная III стагоддзем. Другая палова (раздзелы 7—12) датаваная часам валадарання Антыёха IV Епіфана, селеўкідскага цара Сірыі ў 167—163 да н.э. Грэчаскія дадаткі да кнігі (ня ўключаныя ў пратэстанцкі і іўдзейскі каноны), верагодна, складзеныя да з'яўлення грэчаскага перакладу каля 100 да н.э.[2]

Выданне Скарыны[правіць | правіць зыходнік]

Выданне Ф. Скарыны кнігі «Прарок Данііл» захавалася ў 10 асобніках. На тытульным аркушы змешчана тэматычная гравюра: «Даниилу, седящему со львы, принесе Аввакум обед». А. 1 адв.— 4 адв. займае прадмова Францыска Скарыны, у канцы якой паўторана віньетка з кнігі «Іоў», а на а. 5 — застаўка з кнігі «Ісус Навін».[3]

Зноскі

  1. Matthews, 2012
  2. Schiffman, 1991
  3. Скарына Ф.: Творы… С. 171.

Літаратура[правіць | правіць зыходнік]

  • Скарына Ф. Творы: Прадмовы, сказанні, пасляслоўі, акафісты, пасхалія / Уступ. арт., падрыхт. тэкстаў, камент., слоўнік А.Ф. Коршунава, паказальнікі А.Ф. Коршунава, В.А. Чамярыцкага. —Мн.: Навука і тэхніка, 1990. —207 с.: іл. С.171. ISBN 5-343-00151-3.

Спасылкі[правіць | правіць зыходнік]