Кобрынскі раён

Кобрынскі раён

Герб	Сцяг
Уваходзіць у	Брэсцкая вобласць
Адміністрацыйны цэнтр	Кобрын
Афіцыйныя мовы	Родная мова: беларуская 43,14 %, руская 51,18 % Размаўляюць дома: беларуская 15,68 %, руская 79,08 %
Насельніцтва (2009)	88 037 чал. (1-е месца)
Шчыльнасць	43,16 чал./км²
Нацыянальны склад	беларусы — 87,86 %, рускія — 6,09 %, украінцы — 4,5 %, іншыя — 1,55 %
Плошча	2 039,79 км² (7-е месца)
Вышыня над узр-м мора  - Найвышэйшая кропка  - Самая нізкая кропка	169,1 м  138,0 м
Часавы пояс	EEST+2EEDT

Кобрынскі раён — адміністрацыйная адзінка ў складзе Брэсцкай вобласці. Утвораны 15 студзеня 1940 г. (у сучасных межах — з 25 снежня 1967 г.) Падзелены на 13 сельскіх саветаў.

Геаграфічнае становішча

Знаходзіцца ў паўднёва-заходняй частцы Брэсцкай вобласці. Мяжуе з Бярозаўскім, Драгічынскім, Жабінкаўскім, Камянецкім, Маларыцкім і Пружанскім раёнамі Брэсцкай вобласці, а таксама з Валынскай вобласцю Украіны.

Тэрыторыя раёна займае каля 2030 км² (6,6 % ад агульнай плошчы вобласці). Працягласць раёна з поўначы на поўдзень — 61 км, з захаду на ўсход — 51 км.

Рэльеф

Па рэльефу паўночная частка раёна выразна адрозніваецца ад паўднёвай. На поўначы пераважаюць раўнінна-ўзгорыстыя ландшафты, гэта зона Кобрынскага Перадпалесся. Паўдневая частка адносіцца непасрэдна да Палесся, рэльеф якога ўяўляе сабой злёгку хвалістую, амаль плоскую раўніну.

Самая высокая кропка раёна (169,1 м) знаходзіцца ў 2 км ад вёскі Тэўлі, самая нізкая (138 м) — урэз ракі Мухавец на заходняй мяжы раёна.

Гідраграфія

Раён налічвае 18 вялікіх і малых рэчак, агульная даўжыня якіх складае 298 км. Рачная сетка належыць да басейна Заходняга Буга.

Рэкі: Мухавец, Трасцяніца, Кобрынка, Шэўня.

Каналы: Дняпроўска-Бугскі канал, канал Бона, Казацкі канал.

Азёры: Бамаўскае, Любань, Каташы (Вярхі), Свінарэй.

У адлегласці 10 кіламетраў ад Кобрына знаходзіцца возера Бамаўскае, якое ўзнікла ў выніку будаўніцтва аўтамабільнай трасы Брэст — Мінск.

Насельніцтва

Насельніцтва раёна — 88,3 тыс.чал. (2011). Гарадское насельніцтва складае 56 %, сельскае — 44 %.

Колькасць населеных пунктаў — 162.

Рэлігія

У раёне зарэгістраваны 63 рэлігійныя суполкі, якія належаць да 8 рэлігійных канфесій.

Археалагічныя помнікі

Назва	Датаванне	Месцазнаходжанне	Катэгорыя
Каменны могільнік	XIV-XVI стагоддзі	1 км на поўдзень ад вёскі Закросніца, урочышча Замошша	3
Курган перыяду ранняга сярэднявечча	XI-XIII стагоддзі	3,3 км на паўночны ўсход ад вёскі Залессе, у лесе	3
Курганны могільнік-2 перыяду ранняга сярэднявечча	XI-XIII стагоддзі	0,5 км на захад ад вёскі Засімы, урочышча Шараеў Лес	3
Курганны могільнік перыяду ранняга сярэднявечча	V стагоддзе да н.э. — V стагоддзе н.э.	2,5 км на поўдзень ад вёскі Кісялёўцы, урочышча Ямішча	3

Некаторыя вёскі

Конны манеж у вёсцы Павіцце на паштовай марцы

• Вёска Барысава
• Вёска Гарадзец
• Вёска Ляхчыцы. Каля вёскі ва ўрочышчы Княжая гара размешчана магіла княгіні Вольгі Раманаўны
• Вёска Корчыцы

Вядомыя асобы

• Алесь Паплаўскі
• Уладзіслаў Юльянавіч Малахоўскі
• В.П.Лазарчук
• Максім Антонавіч Антанюк

Гл. таксама

• Рака Кобрынка
• Рака Трасцяніца
• Возера Любань
• Канал Бона

У Сеціве

• Кобрынскі раённы выканаўчы камітэт (руск.) 
• Кобрынскі раён на сайце «Турыстычныя маршруты Брэстчыны» (руск.) 
• Мапа Кобрынскага раёна
• Асноўныя даты гісторыі вёсак Кобрынскага р-на
• Мапы і агульныя звесткі на emaps-online
• Выдатныя мясціны на партале globus.tut.by (руск.) 
• Фотаздымкі на сайце Radzima.org