Крыкет
Кры́кет (англ.: Cricket), камандны від спорту, у якім выкарыстоўваюцца біта і мяч.
Мэта гульні — зарабіць больш ачкоў («прабежак»), чым каманда праціўніка. Матч складаецца з адной ці некалькіх частак («інінгаў»), у якіх адна каманда адбівае, а другая кідае мяч. Ігрок, які кідае, спрабуе патрапіць у «брамку» — тры слупкі з дзвюма перакладзінамі на абодвух канцах 20-метровай палоскі зямлі ў цэнтры гульнявой пляцоўкі. Ігрок, які адбівае, спрабуе абараніць брамку, выкарыстоўваючы біту. Калі яму ўдалося адбіць, ён бяжыць да супрацьлеглай брамкі, а насустрач яму, імкнучыся заняць яго месца бяжыць другі ігрок, яго каманды, які дагэтуль знаходзіўся ля другой брамкі. Кожная такая прабежка дае камандзе адно ачко. Матч можа працягвацца некалькі дзён. Каманда, якая набрала больш ачкоў становіцца пераможцай.
Найбольш папулярны ў Індыі, Аўстраліі, Англіі і Уэльсе, Пакістане, Паўднёвай Афрыцы, Новай Зеландыі, на Карыбскіх астравах.
