Крытыка Вікіпедыі

Крытыка Вікіпедыі — шматмоўнай агульнадаступнай свабодна распаўсюджваемай інтэрнэт-энцыклапедыі, якае існуе дзякуючы добраахвотнаму ўдзелу многіх тысяч людзей, — узрастае з павелічэннем папулярнасці праекта.

Асноўнымі аб’ектамі крытыкі з’яўляюцца: адкрытая прырода праекта, неаўтарытэтнасць і ненадзейнасць інфармацыі, перакосы ў ахопе тэм і суб’ектыўнасць іх асвятлення, недастаткова эфектыўная праца суполкі ўдзельнікаў праекта і наяўныя магчымасці для «ціску» адміністратараў на звычайных удзельнікаў праекта і так званай «адміністратыўнай самаўпраўнасці».