Крышталічная рашотка
Крышталічная рашотка – правільнае перыядычнае размяшчэнне атамаў, малекулаў або іёнаў у крышталі. Пункты, у якіх размешчаныя атамы, малекулы або іёны, завуцца вузламі К.р.
У залежнасці ад часцінак, якія ўтвараюць К. р. адрозніваюць:
1.іённыя К.р., дзе вузлы запоўненыя дадатнымі і адмоўнымі іёнамі; характэрныя для соляў, аксідаў, шчолачаў; рэчывы маюць высокія тэмпературы плаўлення, цвёрдасць;
2.атамныя К.р., дзе вузлы занятыя атамамі, звязанымі кавалентнай сувяззю; рэчывы адрозніваюцца высокімі тэмпературамі плаўлення, цвёрдасцю, крохкасцю;
3.металічныя К.р., дзе вузлы занятыя катыёнамі, у прамежках паміж якімі знаходзяцца электроны, уласцівы металам;
4.малекулярныя К.р., дзе ў вузлах знаходзяцца малекулы, паміж якімі дзейнічаюць сілы Ван-дэр-Ваальса; уласцівыя цвёрдым высакародным газам, галагенам, арганічным злучэнням; маюць нізкія тэмпературы плаўлення і малую цвёрдасць.
- Рашоткі Бравэ
-
Гранецэнтраваная
-
Аб'ёмнацэнтраваная
-
Базацэнтраваная
-
Прымітыўная
