Крыштыяну Раналду

З пляцоўкі Вікіпедыя
Перайсці да: рух, знайсці
Футбол
Крыштыяну Раналду
Cristiano Ronaldo, 2012.JPG
Агульная інфармацыя
Поўнае імя Крыштыяну Раналду душ Сантуш Авейру
Мянушкі Роні[1], КрыРа, CR, CR7
Машына, Крыс[2]
Нарадзіўся 5 лютага 1985(1985-02-05) (29 гадоў)
Фуншал, Мадэйра, Партугалія
Грамадзянства Сцяг Партугаліі Партугалія
Рост 185[3]
Вага 80[3]
Пазіцыя крайні паўабаронца
нападаючы
Інфармацыя пра клуб
Клуб Сцяг Іспаніі Рэал Мадрыд
Нумар 7
Кар'ера
Моладзевыя клубы
1993—1995 Сцяг Партугаліі Андарынья
1995—1997 Сцяг Партугаліі Насьянал
1997—2002 Сцяг Партугаліі Спортынг (Лісабон)
Клубная кар'ера*
2002—2003 Сцяг Партугаліі Спортынг (Лісабон) 25 (3)
2003—2009 Сцяг Англіі Манчэстэр Юнайтэд 196 (84)
2009— Сцяг Іспаніі Рэал Мадрыд 165 (177)
Нацыянальная зборная**
2001 Сцяг Партугаліі Партугалія (да 15) 9 (7)[4]
2001—2002 Сцяг Партугаліі Партугалія (да 17) 7 (5)[4]
2002—2003 Сцяг Партугаліі Партугалія (да 21) 10 (3)
2003 Сцяг Партугаліі Партугалія (да 20) 5 (1)
2003— Сцяг Партугаліі Партугалія 112 (49)
2004 Сцяг Партугаліі Партугалія (алімп.) 3 (2)
Міжнародныя медалі
Чэмпіянаты Еўропы
Срэбра Партугалія 2004
Бронза Польшча/Украіна 2012
Дзяржаўныя ўзнагароды

Шаблон:Кавалер ордэна Інфанта дона Энрыке Шаблон:Ордэн Бязгрэшнага зачацця Дзевы Марыі Віла-Вікозскай

* Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана па стане на 7 мая 2014.

** Колькасць гульняў і галоў за нацыянальную зборную ў афіцыйных матчах, адкарэктавана па стане на 16 чэрвеня 2014.

Крыштыя́ну Рана́лду душ Са́нтуш Аве́йру (парт.: Cristiano Ronaldo dos Santos Aveiro; 5 лютага 1985 года ў Фуншал, Партугалія) — партугальскі футбаліст, нападнік клуба «Рэал Мадрыд» і нацыянальнай зборнай Партугаліі, капітанам якой з'яўляецца. Самы дарагі футбаліст у свеце за ўсю гісторыю футбола — за яго пераход з «Манчэстэр Юнайтэд» у «Рэал» абышоўся мадрыдскаму клубу больш за 83 млн фунтаў стэрлінгаў. Лічыцца адным з лепшых футбалістаў сучаснасці[5][6][7].

Раналду быў прызнаны лепшым маладым іграком чэмпіянату Еўропы 2004 года. Крыштыяну з'яўляецца чэмпіёнам англійскай Прэм'ер-лігі сезонаў 2006—2007, 2007—2008 і 2008—2009 гадоў. Некалькі разоў станавіўся лепшым іграком англійскай лігі. У сезоне 2006—2007 гадоў дайшоў з «Манчэстэр Юнайтэд» да паўфіналу Лігі чэмпіёнаў, а ў наступным сезоне выйграў у фінале ў лонданскага «Чэлсі». У 2008 годзе быў прызнаны лепшым футбалістам года ў клубным еўрапейскім футболе паводле версіі УЕФА і лепшым іграком Лігі чэмпіёнаў, атрымаўшы «Залаты мяч» як лепшы футбаліст Еўропы і ўзнагароду «Ігрок года ФІФА» як лепшы футбаліст свету.

Раннія гады[правіць | правіць зыходнік]

Крыштыяну нарадзіўся ў сям'і Марыі Далорэш душ Сантуш Авейру і Жазэ Дыніша Авейру, ён быў чацвёртым дзіцем у сям'і пасля старэйшага брата Угу, які нарадзіўся ў 1975 годзе, і дзвюх сясцёр, Эльмы (нарадзілася ў 1974 годзе) і Ліліяны Каці (нарадзілася ў 1976 годзе). Ліліян Каця — спявачка, якая выступае ў Партугаліі пад сцэнічным імем «Ronalda». Другое імя, дадзенае Крыштыяну пры нараджэнні, Раналду, для Партугаліі досыць рэдкае. Бацькі назвалі хлопчыка ў гонар Рональда Рэйгана, бо бацька Крыштыяну быў прыхільнікам былога амерыканскага прэзідэнта.

Кар'ера[правіць | правіць зыходнік]

Пачатак[правіць | правіць зыходнік]

У дзяцінстве любімай камандай Раналду была «Бенфіка». У васьмігадовым узросце ён гуляў за аматарскую каманду «Андарынья», у якой працаваў яго бацька. У 1995 годзе Крыштыяну падпісаў кантракт з мясцовым клубам «Насьянал». Пасля пераможнай кампаніі ў «Насьянал» Раналду адправіўся на трохдзённы прагляд у «Спортынг», па выніках якога заключыў кантракт з лісабонскім клубам[8].

«Спортынг»[правіць | правіць зыходнік]

У 1997 годзе Раналду перайшоў у моладзевую акадэмію «Спортынг». Ён стаў адзіным футбалістам у гісторыі клуба, якія згулялі за ўсе склады «Спортынгу» — да 16, да 17, да 18 гадоў, рэзервовую і асноўную каманды — на працягу аднаго сезона[9]. Ён дэбютаваў за дарослы склад «Спортынгу» 15 жніўня 2001 года ў таварыскім матчы супраць лісабонскага «Атлетыка», выйшаўшы на замену ў другім тайме і вызначыўшыся забітым мячом[10]. У гэты ж час ён згуляў за зборную Партугаліі на моладзевым чэмпіянаце Еўропы для футбалістаў да 17 гадоў[11].

«Манчэстэр Юнайтэд»[правіць | правіць зыходнік]

У футболцы «Манчэстэр Юнайтэд»

Раналду стаў першым партугальскім іграком у гісторыі «Манчэстэр Юнайтэд», заключыўшы кантракт з клубам пасля заканчэння сезона 2002—2003 гадоў. Сума трансферу склала 12,24 млн фунтаў[12]. Раналду папрасіў для сябе нумар «28» (свой нумар у «Спортынгу»), бо не хацеў дадатковага ціску, звязанага з нумарам «7», які раней належаў такім легендарным ігракам «Юнайтэд», як Джордж Бест, Браян Робсан, Эрык Кантана і Дэвід Бекхэм.

Раналду дэбютаваў за «Юнайтэд» у хатнім матчы з клубам «Болтан Уондэрэрс» на стадыёне «Олд Трафард» 16 жніўня 2003 года, выйшаўшы на замену. Сустрэча завяршылася перамогай гаспадароў з лікам 4:0. Першы гол за «чырвоных д'яблаў» партугалец забіў 1 лістапада 2003 года ў матчы з «Портсмутам», які скончыўся з лікам 3:0.

У лістападзе і снежні 2006 года Раналду атрымаў званне іграка месяца Прэм'ер-лігі, стаўшы трэцім у гісторыі гэтага турніру футбалістам, якому атрымалася ўзяць дзве ўзнагароды запар, пасля Дэніса Бергкампа ў 1997 годзе і Робі Фаўлера ў 1996 годзе[13][14]. 5 мая 2007 года Раналду забіў свой 50 гол за «Юнайтэд» у дэрбі з «Манчэстэр Сіці», пасля якога клуб заваяваў тытул чэмпіёнаў Прэм'ер-лігі сезона 2006—2007 гадоў. Нягледзячы на чуткі, што з'явіліся ў сакавіку 2007 года, пра тое, што «Рэал Мадрыд» гатовы заплаціць за Раналду 80 млн еўра (54 млн фунтаў)[15], 13 красавіка партугалец падпісаў 5-гадовы кантракт з клубам, які прадугледжваў таксама павелічэнне зарплаты да 120 тысяч фунтаў у тыдзень, што зрабіла яго самым высокааплатным футбалістам у гісторыі «Манчэстэр Юнайтэд»[16][17].

«Рэал Мадрыд»[правіць | правіць зыходнік]

Летам 2009 года Раналду перайшоў у стан «Рэал Мадрыда». У ходзе перамоў Фларэнціна Перэс і Дэвід Гіл сышліся на суме ў 93,4 млн еўра, што адпавядала на той момент каля 80 млн фунтаў стэрлінгаў. Партугальскі паўабаронца стаў самым дарагім іграком у гісторыі сусветнага футбола, пабіўшы рэкорд Зідана, які перайшоў з турынскага «Ювентуса» ў мадрыдскі «Рэал» у 2001 годзе за прыкладна 76 млн еўра.

Першы гол за «Рэал» Раналду забіў у матчы з эквадорскім «ЛДУ», вызначыўшыся з пэнальці. Першы гол у афіцыйным матчы за «Рэал Мадрыд» Раналду забіў 29 жніўня 2009 года ў сустрэчы з «Дэпартыва», вызначыўшыся на 35 хвіліне з пэнальці, той матч скончыўся з лікам 3:2 на карысць «Рэалу». Другі гол ён забіў 12 верасня ў матчы з «Эспаньёлам» (3:0) у дададзены арбітрам час.

Міжнародная кар'ера[правіць | правіць зыходнік]

Крыштыяну Раналду ўпершыню на міжнароднай арэне заявіў пра сябе на хатнім для партугальцаў Еўра-2004. На гэтым чэмпіянаце Крыштыяну некалькі разоў выступаў якасці аўтараў галоў і галавых перадачаў, выйшаўшы разам з каманд у фінал, але атрымаўшы паражэнне ў ім ад грэкаў. У адборачным цыкле да чэмпіянату свету 2006 года найбольш яскрава Крыштыяну згуляў у матчы супраць зборнай Расіі, забіўшы 2 галы. У тым цыкле Крытыяну агулам забіў 7 мячоў, але ў фінальнай частцы дайшлі толькі да паўфіналу і ў выніку занялі чацвёртае месца.

На Еўра-2008 на партугальцаў ускладалі вялікія надзеі, бо Крыштыяну правёў фантастычны сезон за «Манчэстэр Юнайтэд», пры гэтым ён забіў 8 галоў у адборачным турніры. Ён правёў выдатны матч супраць каманды Чэхіі, забіўшы гол і аддаўшы галавы пас на Рыкарду Куарэжму. У чвэрцьфінале, нягледзячы на ўсе намаганні Раналду, партугальцы саступілі немцам з лікам 2:3. На чэмпіянаце свету 2010 года Крыштыяну таксама быў адным з лідараў зборнай, якая выйшла ў наступны раўнд без прапушчаных мячоў. Аднак ужо ў 1/8 фіналу партугальская каманды атрымала паражэнне ад чэмпіёнаў таго спаборніцтва зборнай Іспаніі.

Дасягненні[правіць | правіць зыходнік]

Персанальныя[правіць | правіць зыходнік]

  • Уладальнік Залатога мяча: 2008
  • Лепшы футбаліст свету паводле версіі ФІФА: 2008
  • Лепшы футбаліст свету паводле версіі FIFAPro: 2008
  • Лепшы клубны футбаліст паводле версіі УЕФА: 2008
  • Лепшы футбаліст Еўропы (Onze d’Or): 2008

Клубныя[правіць | правіць зыходнік]

Сцяг Англіі Манчэстэр Юнайтэд

Сцяг Іспаніі Рэал Мадрыд

Міжнародныя[правіць | правіць зыходнік]

Сцяг Партугаліі Партугалія

Зноскі[правіць | правіць зыходнік]

  1. Ronny bound to be great (англ.) . ManUtd.com (2013-02-11). Архівавана з першакрыніцы 15 лютага 2013.
  2. Мянушкі ігракоў «Рэала» Шаблон:Неаўтарытэтная крыніца
  3. 3,0 3,1 Real Madrid C.F. — Official Web Site — Cristiano Ronaldo dos Santos Aveiro
  4. 4,0 4,1 Detalhe Jogador — Cristiano Ronaldo (парт.) , Federacao Portuguesa de Futebol .
  5. Ronaldo best in world, says Terry. BBC Sport (англ.) 
  6. He’s got the world at his feet, The Guardian (англ.) 
  7. Роналду поможет «Реалу» побороться за титулы — Кака. РИА Новости (руск.) 
  8. Profile of Ronaldo at about.com. About.com. (англ.) 
  9. Clash of the titans. ManchesterEveningNews.com. (англ.) 
  10. Пратакол сустрэчы"Спортынг" — «Атлетыка» (парт.) 
  11. Famous players featured in U17 c’ships. UEFAU17.com. (англ.) 
  12. Cristiano Ronaldo. Sky Sports. (англ.) 
  13. Ronaldo lands back-to-back accolades. Inthenews.com. (англ.) 
  14. Ronaldo wins monthly award again. BBC Sport. (англ.) 
  15. Real ready to offer £54m to secure Ronaldo. The Guardian. 12.04.2007. (англ.) 
  16. Ferguson lets rip at Madrid after Ronaldo signs £31m deal. The Times. 14.04.2007. {{ref-en}]
  17. Ronaldo signs new deal at Man Utd. BBC Sport. 13.04.2007. (англ.) 

Спасылкі[правіць | правіць зыходнік]

Шаблон:Склад ФК Рэал Мадрыд