Кушанскае царства

З пляцоўкі Вікіпедыя
Перайсці да: рух, знайсці

Кушанская дзяржава, Кушанскае царства — старажытная дзяржава на тэрыторыі сучасных Узбекістана, Таджыкістана, Туркменіі, Афганістана, Пакістана і Паўночнай Індыі ў I — IV ст. н.э.

Узнікла на рубяжы нашай эры пасля разгрому Грэка-Бактрыйскага царства качэўнікамі, якія стварылі на яго тэрыторыі шэраг асобных княстваў. Адно з іх у Бактрыі на чале з племем або кланам кушанаў стала ядром Кушанскай дзяржавы. Значнага тэрытарыяльнага пашырэння дзяржава дасягнула пры правіцелях Кадфізе I і Кадфізе II (I ст. н.э.), найбольшага росквіту — пры правіцелях Канішку і Хувішку. Праз тэрыторыю Кушанскай дзяржавы праходзіў Вялікі шаўковы шлях, што спрыяла развіццю ганддю і рамяства. Значнае пашырэнне тут набылі будызм, зараастрызм, маніхейства і хрысціянства. Пры правіцелі Васудэве (сярэдзіна III ст.) пачаўся заняпад Кушанскай дзяржавы, якая ў IV ст. распалася на дробныя княствы.