Кюры, адзінка вымярэння

Кюры́, пазасістэмная адзінка вымярэння актыўнасці радыеактыўных рэчываў, роўная актыўнасці такога прэпарату, у якім адбываецца 3,7 ∙ 10¹⁰ актаў распаду за 1 сек. Такім чынам,

1 Кюры = 3,7 ∙ 10¹⁰ Бк

Прыблізная такая актыўнасць 1 грама ізатопа радыю ²²⁶Ra.

Ужываюцца таксама долевыя і кратныя адзінкі: мікракюры (мккюры), мілікюры (мкюры), кілакюры (ккюры), мегакюры (Мкюры). Назва — у гонар П. Кюры і М. Складоўскай-Кюры.

Гл. таксама: адзінкі радыеактыўнасці.

---

Літ.:

• Беларуская Савецкая Энцыклапедыя. У 12 т. Т.6. Кішынёў — Манцэвічы / Беларуская Савецкая Энцыклапедыя; Рэдкал.: П. У. Броўка (гал. рэд.) і інш. — Мн.: Бел.Сав.Эн., 1972. — 624 с.: іл., карты. С.230.