Кіеўскі вакзал

З пляцоўкі Вікіпедыя
Перайсці да: рух, знайсці
Выгляд вакзала

Кіеўскі вакзал, пасажырскі тэрмінал станцыі Масква-Пасажырская-Кіеўская, адзін з 9-ці чыгуначных вакзалаў Масквы. Размешчаны на плошчы Кіеўскага вакзала. Раней называўся Бранскі вакзал.

Рашэнне аб будаўніцтве Кіеўскага вакзалу было прынята ў год стагоддзя Барадзінскай бітвы (1912). Улічваючы размяшчэнне вакзалу ў пачатку дарогі ад Масквы на Барадзіно, і для разгрузкі транспартных патокаў па патрабаванні гарадскіх улад на грошы інвестараў вакзалу спачатку быў пабудаваны Барадзінскі мост (архітэктар Раман Клейн). Вакзал пабудаваны ў 19141918 гадах. Архітэктурны праект — І. І. Рэрберг пры ўдзеле B. К. Алтаржэўскага, праект дэбаркадара і перакрыццяў зал — У. Г. Шухаў, скульптар З. З. Алешын, роспісы зал — мастак Ф. І. Рэрберг. У архітэктурнай канцэпцыі вакзалу, у роспісах зал і скульптурах манументальна падкрэсленая сувязь з Айчыннай вайной 1812 года. Вакзал пабудаваны ў стылі неакласіцызму з элементамі ампіру. Агульная плошча Кіеўскага вакзалу больш за 36 тысяч кв. метраў.

Да будынка вакзалу прымыкае дэбаркадэр: прастора над платформамі перакрывае вялізнае зашклёнае арачнае пакрыццё (даўжыня 321 м, шырыня пралёта 47,9 м, вышыня 28 м, вага канструкцый больш за 1250 т), якое мае форму парабалы. Сталёвыя высокія трохшарнірныя арачныя фермы выдатна бачныя і дэманструюць зграбнасць велічнага будынка.

Ад Кіеўскага вакзалу ідуць электрычкі (прыгарадныя цягнікі) на Сонечную, Лясны Гарадок, Апрэлеўку, Бекасава, Крэсты, Нару, Малаяраславец, Калугу-1 і Калугу-2, а таксама экспрэсы да аэрапорта Унукава і Калугі. Хуткія і пасажырскія цягнікі з Кіеўскага вакзалу ідуць на Бранск, далей на Кіеў, адтуль — у іншыя гарады Украіны.

Гл. таксама[правіць | правіць зыходнік]

Спасылкі[правіць | правіць зыходнік]

Шаблон:Масква — Калуга

Шаблон:Лінія Масква — Нара