Лабарыя ямістая

З пляцоўкі Вікіпедыя.
Перайсці да: рух, знайсці
Лабарыя ямістая
Lobaria scrobiculata-1.jpg
Навуковая класіфікацыя
Міжнародная навуковая назва

Lobaria scrobiculata (Scop.) DC., 1801

Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
NCBI   176461
EOL   1007536
MB   394919

Лабарыя ямістая (Lobaria scrobiculata) — від ліставатых лішайнікаў сямейства лабарыевых.

Слаявіна ліставатая, дольчата-буйналопасцевая, неглыбока выразаная, шырынёй да 15 см. Верхняя паверхня слаявіны блакітна-шэрая, светла-шаравата-зялёная або аліўкавая, больш-менш невыразна сеткавата-ямістая, па краях, рэбрах або па ўсёй паверхні мае блакітна-шэрыя або цёмна-бурыя сараліі. Сарэдыі часам прарастаюць у сарэдыяльныя ізідыі. Ніжняя паверхня караткалямцавая, шаравата-жоўтая, у цэнтры — да бура-чорнай, з нешматлікімі рызінамі, прыкметнымі ўэдуццямі, якія адпавядаюць ямкам на верхняй паверхні. Псеўдацыфелы белыя, парашкападобныя, няправільнай формы і памераў. Стрыжань утрымлівае арганічныя кіслоты. Размнажаецца вегетатыўна (сарэдыямі і ізідыямі) або аскаспорамі.

Лабарыя ямістая на ствале дрэва

Трапляецца ў лясах Галарктыкі, у Паўднёвай Амерыцы, Афрыцы, Аўстраліі і Новай Зеландыі. Пашырана ў лясной палосе Еўразіі, адзначана і ў Арктыцы (Еўрапейскі сектар). У Беларусі рэдкі від. Расце на ствалах шыракалістых дрэў, на сучках елкі і на замшэлым бураломе ў старых цяністых лясах з павышанай вільготнасцю паветра. Трапляецца асобнымі экземплярамі або невялікімі групамі на абмежаваных плошчах.

Від вельмі адчувальны (індыкатарны) да антрапагенных уздзеянняў.