Лавы

Лавы, Лаўскае прадмесце — гістарычны раён Мінска, паміж вуліцай Зыбіцкай (з 1866 годзе Балотнай, да нядаўняга часу Гандлёвая) і Свіслаччу.

Гісторыя

Прадмесце было адметнае тым, што у ім канцэнтраваўся гандаль малочнымі прадуктамі. Тут жа на Плябанскай вуліцы (цяпер Куйбышава) знаходзіўся Лаўскі мост (з сярэдзіны 1960-х не існуе, размяшчалася насупраць выставачнага павільёна «Белэкспа» па вуліцы Янкі Купалы, 27), на якім збіралася гарадская галота ў пошуках якой-небудзь працы.

Гэты раён Мінска найбольш цярпеў ад паводак на Свіслачы і Нямізе. Ускладнялі становішча кожную вясну Плябанскія млыны, якія знаходзіліся на Свіслачы там, дзе цяпер парк імя Янкі Купалы.

У пачатку XX ст. Лавы ўваходзілі ў другую паліцэйскую частку горада. Асноўнай вуліцай раёна была Лаўская набярэжная, якая цягнулася ад Хлусава (Максіма Багдановіча) да Паліцэйскага (Янкі Купалы) маста.

Старыя адраса

• Рог Шырокай і Гандлёва-Набярэжнай. Малочны рынак. На гарадской плошчы каля Лаўскага маста здаўна вёўся гандаль малочнымі прадуктамі, якія прывозілі сюды з навакольных маёнткаў і вёсак. З цягам часу рынку пачало бракаваць плошчы. Гарадскія ўлады, каб неяк выйсці са становішча, купілі прылеглыя плошчы ў дзьвюх прыватных асоб, а затым доўга як і ў гісторыі з Плябанскімі млынамі, гандлявалася з праваслаўным кафедральным саборам, пакуль той ў 1896 годзе не прадаў гораду кавалак зямлі за 625 рублёў. Малочны гандаль Мінска канцэнтраваўся ў раёне сучаснага рэстарана «Журавінка» (Янкі Купалы, 25).

Сучаснасць

Тапонім ніяк не пазначаны на карце Мінска

Літаратура

• Гісторыя Мінска. 1-е выданне. Мінск. БелЭн. 2006. — 696 с ISBN 985-11-0344-6.
• Сацукевіч І. Тапанімія вуліцы і плошчаў Менска ў ХІХ — пачат XX стст. // «Беларускі калегіюм», 4 чэрвеня 2008.
• Шыбека З. В., Шыбека С. Ф. Мінск: Старонкі жыцця дарэв. горада/ Пер. з рускай мовы М.Віжа; Прадмова С. М. Станюты. — Мн.: Полымя, 1994. — 341 с. [1] асобн. арк. карт.: іл. ISBN 5-345-00613-X.