Леанід Георгіевіч Бакштаеў

Леанід Бакштаеў
укр.: Леонід Георгійович Бакштаєв
Імя пры нараджэнні	Леанід Георгіевіч Бакштаеў
Дата нараджэння	10 мая 1934(1934-05-10)
Месца нараджэння	Дабрынь, Млыноцкі сельсавет, Ельскі раён, Беларусь
Дата смерці	29 ліпеня 1995(1995-07-29) (61 год)
Месца смерці	клінічная бальніца «Феафанія»[d], Кіеў, Украіна
Месца пахавання	Лясныя могілкі
Грамадзянства	СССР  Украіна
Адукацыя	Беларускі дзяржаўны тэатральна-мастацкі інстытут (1958)
Прафесія	акцёр, тэатральны педагог
Узнагароды
IMDb	ID 0049256

Леанід Георгіевіч Бакштаеў (1934, в. Дабрынь, Ельскі раён, СССР—1995, Кіеў) — савецкі акцёр тэатра і кіно, тэатральны педагог, народны артыст Украінскай ССР.

Біяграфія

Леанід Бакштаеў нарадзіўся ў вёсцы Дабрынь Гомельскай вобласці.

У 1958 годзе скончыў Беларускі тэатральны інстытут. Акцёр Акадэмічнага рускага драматычнага тэатра імя Лесі Украінкі. З 1973 года — педагог КДІТМ імя І. К. Карпенкі-Карага.

Леанід Бакштаеў працаваў акцёрам у Рускім драматычным тэатры імя В. П. Чкалава ў г. Мікалаеве (1958—1962), Рускім драмтэатры імя М. Горкага ў г. Днепрапятроўску з 1962 года па 1966. Л. Бакштаеў быў незвычайна папулярны і любімы ўдзячнымі гледачамі, збіраў поўныя залы, на сцэне быў арганічны і гледачы забывалі, што гэта спектакль. Л. Бакштаеў быў па-сапраўднаму таленавіты, іграў рознапланавыя ролі, яму ўдаваўся любы рэпертуар.

Сканаў 29 ліпеня 1995 года ў Кіеве. Пахаваны на Лясных могілках украінскай сталіцы

Творчасць

У кіно Леанід Бакштаеў пачаў здымацца з 1967 года. Рэжысёры даволі хутка вызначылі яго амплуа, — на працягу двух дзесяцігоддзяў ён ствараў на экране гераічныя вобразы. Асабліва часта акцёра выкарыстоўвалі ў ваенных стужках: «На Кіеўскім кірунку» (Кудрашоў), «Камісары» (Дзегцяроў), «Мір хацінам, вайна — палацам» (Расціслаў Драгамірэцкі), «Бумбараш» (чырвонаармейскі камандзір Чубасаў), «Тайна партызанскай зямлянкі» (Леанід Рыгоравіч), «Аты-баты, ішлі салдаты» (Канстанцін Святкін), «Чырвоныя дыпкур'еры» (камэск), «Пунсовыя пагоны» (капітан Баканаў), «Вайна на заходнім кірунку» (генерал-лейтэнант) і інш. Перыядычна рэжысёры «адпраўлялі» Бакштаева ў процілеглы стан. Так, у фільме «Ніна» ён паўстаў у вобразе афіцэра СС Шульца, а ў сумеснай савецка-югаслаўскай стужцы «Вяселле» — сыграў ролю нямецкага маёра.

Фільмаграфія

1. 1967 — Незабыўнае — Дзехцяроў
2. 1970 — Мір хацінам — вайна палацам — Расціслаў Драгамірэцкі
3. 1971 — Бумбараш — Чубатаў
4. 1971 — Белая птушка з чорнай меткай — Астап
5. 1971 — Ніна
6. 1976 — Эквілібрыст
7. 1976 — Аты-баты, ішлі салдаты — Канстанцін, сын Святкіна
8. 1978 — Дзень першы, дзень апошні — Андрэй
9. 1980 — Пунсовыя пагоны
10. 1981 — Загад - агню не адкрываць — Дубаў
11. 1981 — Прададзены смех — бацька Ціма
12. 1981 — Гісторыя аднаго кахання — Алехін
13. 1981 — Завеса Арыёна — Павел Бялоў
14. 1985 — Навучыся танчыць — бацька Жэні Чумакова
15. 1986 — Шчаслівы, хто кахаў…
16. 1988 — Блакітная ружа
17. 1990 — Вайна на заходнім кірунку — генерал
18. 1991 — Ніягара
19. 1991 — Забіць «Шакала» — эксперт

Спасылкі

• Леанід Бакштаеў на сайце «Internet Movie Database» (англ.)