Луі Пастэр

Луі Пастэр
фр.: Louis Pasteur
Дата нараджэння:	27 снежня 1822(1822-12-27)
Месца нараджэння:	Доле, Францыя
Дата смерці:	28 верасня 1895(1895-09-28) (72 года)
Месца смерці:	Сент-Клод, Францыя
Краіна:	Францыя
Навуковая сфера:	Хімія Мікрабіялогія
Узнагароды і прэміі	Кавалер Вялікага Крыжа ордэна Ганаровага легіёна Кавалер ордэна Сельскагаспадарчых заслуг Ордэн Святой Ганны 1 ступені з алмазамі

Луі́ ПАСТЭ́Р (фр.: Louis Pasteur, 27 снежня 1822 — 28 верасня 1895) — французскі хімік і мікрабіёлаг. У яго гонар быў названы працэс пастэрызацыі.

Біяграфія

Нарадзіўся ў горадзе Доле, ва ўсходняй Францыі. Яго бацька, Жан Пастэр, быў гарбаром і ветэранам напалеонаўскіх войнаў. Луі вучыўся ў каледжы ў Безансоне, а потым скончыў Парыжскі ўніверсітэт. У 1846 годзе Пастэр атрымаў ступень доктара хіміі. Быў прафесарам наступных універсітэтаў:

• 1849 – 1854 – у Страсбургу
• 1854 – 1857 – у Лілі
• 1857 – 1895 – у Парыжы

У сферы мікрабіялогіі Пастэр займаўся пераважна даследаваннямі ферментацыі і закісання. Першую навуковую працу ён выканаў у 1848 годзе. Вывучаючы фізічныя ўласцівасці віннай кіслаты, ён выявіў, што кіслата, атрыманая пад час закісання, валодае аптычнай актыўнасцю, у той час, як сінтэзіраваная вінаградная кіслата гэтай уласцівасцю не валодае. Вывучаючы крышталі пад мікраскопам, Пастэр выявіў два іх тыпы, адзін тып паварочваў плоскасць палярызацыі па гадзіннікавай стрэлцы, а другі – супраць. Навуковец прыйшоў да высновы, што крышталі складаюцца з малекулаў рознай будовы.

Пасля гэтай працы, Пастэр быў назначаны прафесарам хіміі Страсбургскага ўніверсітэта. Пазней Пастэр вывучаў хваробатворчыя бактэрыі, дзякуючы чаму, удасканаліў тэорыю хімічнай эвалюцыі.

У 1888 годзе, у Парыжы быў адкрыты ўніверсітэт мікрабіялогіі (які потым быў названы ў яго гонар), Пастэр стаў яго першым кіраўніком.

Луі Пастэр памёр у 1895 годзе у мястэчку Сент-Клод недалёка ад Парыжу.

Спасылкі

• На ВікіСховішчы ёсць медыяфайлы па тэме Луі Пастэр

• Сайт Інстытута Пастэра (англ.)  (фр.) 
• Профіль Луі Пастэра на афіцыйным сайце РАН