Лі Страсберг

З пляцоўкі Вікіпедыя
Перайсці да: рух, знайсці
Лі Страсберг
Lee Strasberg
 
Імя пры нараджэнні: Ізраэль Страсберг
Дата нараджэння: 17 лістапада 1901(1901-11-17)
Месца нараджэння: Буданаў, Аўстра-Венгрыя
Дата смерці: 17 лютага 1982(1982-02-17) (80 гадоў)
Месца смерці: Нью-Ёрк
Грамадзянства: Flag of the United States.svg ЗША
Прафесія: тэатральны рэжысёр, акцёр, тэатральны педагог
Кар'ера: 1937—1981
IMDb: ID 0833448

Лі Страсберг (анг.: Lee Strasberg; 17 лістапада 1901 - 17 лютага 1982) — амерыканскі рэжысёр, кіраўнік акцёрскай студыі, акцёр і прадзюсар.

Біяграфія[правіць | правіць зыходнік]

Нарадзіўся 17 лістапада 1901 года ў аўстра-венгерскім мястэчку Буданаў (цяпер у Церабаўлянскім раёне Цярнопальскай вобласці Украіны), у яўрэйскай сям'і Іды і Борух-Меер Страсберга. Разам з бацькамі эміграваў у ЗША ў 1908 годзе.

У 1931 годзе стаў адным з заснавальнікаў тэатральнага калектыву Group Theatre. У 1949 годзе пачаў працаваць у школе акцёрскага майстэрства Actors Studio ў Нью-Ёрку. У 1952 годзе стаў яе кіраўніком, навучанне вёў па сваёй методыцы на аснове сістэмы Станіслаўскага. Сярод выпускнікоў школы шмат вядомых акцёраў - Пол Ньюман, Аль Пачына, Мэрылін Манро, Джэйн Фонда, Дасцін Хофман, Роберт Дэ Ніра, Марлан Бранда, Мікі Рурк.

У 1966 годзе заснаваў Actors Studio West ў Лос-Анджэлесе. У 1969 годзе заснаваў Тэатральны інстытут Лі Страсберга. У 1974 годзе сыграў ролю другога плана ў фільме «Хросны бацька-2». За гэтую ролю Страсберг намінаваўся на кінапрэміі «Оскар» і «Залаты глобус».

Асабістае жыццё[правіць | правіць зыходнік]

Першая жонка - Нора (Nora Krecaun), 1926-1929 гады. У 1934-1966 гадах быў жанаты на актрысе Поле Страсберг. Іх дзеці - актрыса Сьюзан Страсберг і выкладчык акцёрскага мастацтва Джон Страсберг. Трэцяя жонка - Ганна Мізрахі. Дзеці - Давід і Адам. Быў блізкім сябрам сваёй вучаніцы Мэрылін Манро, якая адпісвала яму большую частку сваёй маёмасці.

Літаратура[правіць | правіць зыходнік]

  • Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш — Мінск: БелЭн, 2002. — Т. 15. — 552 с. — 10 000 экз. — ISBN 985-11-0251-2 (Т. 15).

Спасылкі[правіць | правіць зыходнік]

Wiki letter w.svg На гэты артыкул не спасылаюцца іншыя артыкулы Вікіпедыі,
калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.