Мадлен Французская

Мадлен Французская
Мадлен Французская
	фр.: Madeleine de France
	; Партрэт працы Карнеля дэ Ліёна
	1 студзеня 1537 — 7 ліпеня 1537
Папярэднік	Маргарыта Цюдар
Пераемнік	Марыя дэ Гіз
	жонка караля Шатландыі Якава V
Нараджэнне	10 жніўня 1520; Сен-Жэрмен-ан-Ле[d], Сен-Жэрмен-ан-Ле[d], дэпартамент Івелін, рэгіён Іль-дэ-Франс, Метраполія Францыі, Францыя;
Смерць	7 ліпеня 1537 (16 гадоў); Эдынбург, Шатландскае каралеўства;
Месца пахавання	Халірудскае абацтва[d];
Род	Валуа
Бацька	Францыск I
Маці	Клод Французская
Муж	Якаў V, кароль Шатландыі
Веравызнанне	каталіцтва
	Медыяфайлы на Вікісховішчы

Мадлен Французская (фр.: Madeleine de France; або Мадлен дэ Валуа (фр.: Madeleine de Valois); 10 жніўня 1520 — 7 ліпеня 1537) — першая жонка караля Шатландыі Якава V^[3].

Біяграфія[правіць | правіць зыходнік]

Прынцэса Мадлен была пятым дзіцем караля Францыі Францыска I ад яго шлюбу з Клод, герцагіняй Брэтонскай^[3]. Слабая і хваравітая з нараджэння, прынцэса правяла дзяцінства ў даліне Луары, таму што яе бацька асцерагаўся, што жыццё ў Парыжы можа неспрыяльна адбіцца на яе стане. У шаснаццацігадовым узросце ў яе былі выяўлены сухоты.

У 1536 годзе Якаў V, кароль Шатландыі, прыбыў да двара Францыска з мэтай знайсці сабе нявесту з багатым пасагам, які папоўніў б спусцелую казну, а таксама па магчымасці ўмацаваць сувязі з французскім каралеўствам^[4]. Яго ўвагу прыцягнула прынцэса Мадлен, і ён прасіў яе рукі. Але Францыск, памятаючы пра яе хваробу і суровы клімат Шатландыі, які мог апынуцца пагібельным для дачкі, спачатку адказаў адмовай. Разглядаліся таксама заручыны з Марыяй дэ Гіз, але Якаў аддаў перавагу прынцэсе.

Паколькі і сама Мадлен выказала вялікую цікавасць да маладога шатландскага караля, паўторная прапанова Якава была прынята. Яны абвянчаліся 1 студзеня 1537 года ў Саборы Парыжскай Божай Маці. Праз гэты шлюб Францыск і Якаў спадзяваліся аднавіць і ўмацаваць Стары саюз паміж Шатландыяй і Францыяй. Акрамя таго, кароль даў за дачку шчодры пасаг^[4].

Пасля некалькіх месяцаў святочных урачыстасцей у маі 1537 года маладыя адбылі ў Шатландыю. На той момант здароўе Мадлен ужо выклікала сур’ёзныя асцярогі, і 7 ліпеня, праз некалькі тыдняў пасля прыезду, яна сканала на руках у мужа^[4].

Каралева Мадлен была пахавана ў Холірудскім абацтве ў Эдынбургу. Менш чым праз год пасля яе смерці Якаў ажаніўся з Марыяй дэ Гіз^[4].

Зноскі

↑ ^а ^б ^в Kindred Britain
<a href="https://wikidata.org/wiki/Track:Q75653886"></a>
↑ (unspecified title) Праверана 7 жніўня 2020.
↑ ^а ^б Madeleine de Valois (англ.)(недаступная спасылка). thepeerage.com. Архівавана з першакрыніцы 23 чэрвеня 2015. Праверана 30 студзеня 2010.
↑ ^а ^б ^в ^г James V: Undiscovered Scotland (англ.)(недаступная спасылка). undiscoveredscotland.co.uk. Архівавана з першакрыніцы 5 ліпеня 2015. Праверана 30 студзеня 2010.

Спасылкі[правіць | правіць зыходнік]

На Вікісховішчы ёсць медыяфайлы па тэме Мадлен Французская
Мадлен Французская на сайце «Find a Grave» (англ.)

[_42ddfce80d5da4be-1] а ^б ^в Kindred Britain
<a href="https://wikidata.org/wiki/Track:Q75653886"></a>

[_795575f5d3c2cc3f-2] (unspecified title) Праверана 7 жніўня 2020.

[Madeleine-3] а ^б Madeleine de Valois (англ.)(недаступная спасылка). thepeerage.com. Архівавана з першакрыніцы 23 чэрвеня 2015. Праверана 30 студзеня 2010.

[James-4] а ^б ^в ^г James V: Undiscovered Scotland (англ.)(недаступная спасылка). undiscoveredscotland.co.uk. Архівавана з першакрыніцы 5 ліпеня 2015. Праверана 30 студзеня 2010.

[1]

[2]

[3]

[4]