Малавійская квача

Малавійская квача Malawian kwacha
Код ISO 4217	MWK
Краіна	Малаві
Складаецца з	100 тамбалам
Абрэвіятура	K
Цэнтральны банк	Reserve Bank of Malawi[d]
Абменны курс (на 28 чэрвеня 2010)
1 USD	= 141.49 MWK
1 EUR	= 190.93 MWK

Малавійская квача (код ISO 4217: MWK) — афіцыйная валюта Малаві з 1971 года. Квача замяніла Малавійскі фунт па курсе 2 квача = 1 фунт. Квача дзеліцца на 100 тамбала. Сваю назву квача атрымала ад слова з мовы н'ян'я і бемба «світанак», а тамбала перакладаецца як «певень». Атрымліваецца паэтычны пераклад валюты як: «сто пеўняў робяць світанак».

Манеты

Манеты ўведзеныя ў 1971 годзе мелі наміналы 1, 2, 5, 10 і 20 тамбала. У 1986 годзе былі ўведзены ў абарачэнне манеты 50 тамбала і 1 квача. Новыя біметалічныя манеты наміналам 5 і 10 квача былі ўведзены ў студзені 2007 года. Усе ўведзеныя манеты застаюцца ў абарачэнні і ў нашы дні.

Банкноты

У 1971 годзе былі ўведзены банкноты наміналам 50 тамбала, 1, 2 і 10 квача. У 1973 годзе банкнота наміналам 2 квача была заменена на 5 квача. Новая банкнота наміналам 20 квача была ўведзена ў 1983 годзе, 50 квача ў 1986 годзе. Апошняя банкнота ў 1 квача была надрукаваная ў 1988 годзе. У 1993 годзе была ўведзена банкнота ў 100 квача, у 1995 — 200 квача, у 2001 — 500 квача.

Спасылкі

• На Вікісховішчы ёсць медыяфайлы па тэме Малавійская квача