ФК Мальёрка

Мальёрка
Поўная назва	Real Club Deportivo Mallorca, S.A.D.
Заснаваны	5 сакавіка 1916
Горад	Пальма, Іспанія
Стадыён	Іберастар Умяшчальнасць: 23 142
Уладальнік	Роберт Сарвер[d]
Прэзідэнт	Эндзі Кольберг[d]
Галоўны трэнер	Хаўер Агірэ[d]
Чэмпіянат	Ла Ліга
2021/22	16 месца
Сайт	Афіцыйны сайт
Асноўная форма Гасцявая форма Рэзервовая форма

«Мальёрка» (ісп.: Real Club Deportivo Mallorca) ― іспанскі футбольны клуб з горада Пальма з вострава Мальёрка. Клуб быў заснаваны 5 сакавіка 1916 года. Быў фіналістам Кубка ўладальнікаў кубкаў у 1999 годзе.

Клуб гуляе ў чырвоных кашулях з чорнымі шортамі і гетрамі. Хатняя арэна завецца «Іберастар», яна можа ўмясціць 23 142 гледача.

Гісторыя

«Мальёрка» ― найстарэйшы клуб Балеарскіх астравоў. Быў названы першапачаткова Junta Directiva del Alfonso XIII FBC у гонар караля тых часоў Альфонса XIII. Першым стадыёнам клуба быў «Буэнас-Айрэс», што адкрыўся 25 сакавіка 1916 года гульнёй супраць «Барселоны», у якой «Мальёрка» атрымала паражэнне з лікам 0:8. Праз год клуб змяніў назву на Real Sociedad Alfonso XIII, а ў 1931 годзе прыйшлося зноў змяніць назву па палітычных мэтах на Club Deportivo Mallorca. У 1949 годзе да назвы клубу прымкнуў тытул «каралеўскі» (Real).

22 ліпеня 2008 года было заяўлена, што 96 працэнтаў акцый клубу купіць англійскі бізнесмен Пол Дэвідсан, але ўжо ў лістападзе таго года было высветлена, што ў англічаніна няма грошай на куплю. Праз год 19 лістапада 2009 года клуб быў выкуплены іспанскім бізнесменам Матэа Алемані.

30 сакавіка 2010 года «Мальёрка» падпісала дагавор з італьянскай кампаніяй футбольнага экіпіравання Macron. Пагадненне разлічана на тры сезоны з 2010 па 2013 гады.

Дасягненні

• Уладальнік Кубка Іспаніі (1): 2003
• Уладальнік Суперкубка Іспаніі (1): 1998

Спасылкі

• На Вікісховішчы ёсць медыяфайлы па тэме ФК Мальёрка
• Афіцыйны сайт (ісп.)