Марын Ле Пен
| Марын Ле Пен Marine Le Pen |
|
 |
|
| Марын Ле Пен (лістапад 2011 r.) | |
| Імя пры нараджэнні: | Марыён Анн Перын Ле Пен |
|---|---|
| Дата нараджэння: | 5 жніўня 1968 |
| Месца нараджэння: | Нёі-сюр-Сен (92) |
| Грамадзянства: | Францыя |
| Род дзейнасці: | палітык |
| Бацька: | Жан-Мары Ле Пен |
| Сайт: | http://www.marinelepen2012.fr/ |
Марын Ле Пен (фр.: Marine Le Pen; імя пры нараджэнні: Марыён Анн Перын Ле Пен (фр.: Marion Anne Perrine Le Pen); нар. 5 жніўня 1968, Нёі-сюр-Сен (О-дэ-Сен)) — французскі палітык.[1] Дачка вядомага палітыка-нацыяналіста Жана-Мары Ле Пена.
Скончыла Універсітэт Парыж II Пантэон-Асас са ступенню магістра права; працавала адвакатам. У 1986 годзе ўступіла ў Нацыянальны фронт.
З 2003 года займала пасаду выканаўчага віцэ-прэзідэнта Нацыянальнага фронту, дэпутат Еўрапарламента з 2004 года (у 2009 годзе пераабраная). Яна таксама з'яўляецца членам рэгіянальнага савета Нор-Па-дэ-Кале з сакавіка 2010 і членам муніцыпальнага савета Хенін-Бамонс (Па-дэ-Кале) з сакавіка 2008. У студзені 2011 Марын была абраная на пасаду кіраўніка Нацыянальнага фронту, які на працягу 38 гадоў займаў яе бацька.[2][3]
Кандыдат на французскі прэзідэнцкіх выбарах 2012 года. Як паказалі сацыялагічныя апытанні, праведзеныя агенцтвам Ifop па замове газеты France Soir і Інстытутам Харыса па замове газеты "Le Parisien", на прэзідэнцкіх выбарах 2012 года ў першым туры за яе гатовыя прагаласаваць ад 20 да 23% французаў, што выводзіць яе ў тройку самых папулярных палітыкаў Францыі.[4]
Змест |
Зноскі
- ↑ (фр.) Біяграфія, Нацыянальны Фронт
- ↑ Францыя: дачка Ле Пэна афіцыйна ачоліла “Нацыянальны фронт”, www.svaboda.org
- ↑ Прэзідэнт Нацыянальнага фронту Марын Ле Пэн: "Эўрапейскі саюз мёртвы" (відэа), ЕвроНьюс (Малады Фронт)
- ↑ Марын Ле Пен: Кандыдат на французскі прэзідэнцкіх выбарах 2012 года, www.novychas.org
Бібліяграфія[правіць]
Аўтабіяграфія[правіць]
- À contre flots, Jacques Grancher, 2006 ISBN 2733909576 (фр.)
У Сеціве[правіць]
- Еўрапейскі парламент (англ.)
- Прэзідэнцкі сайт (фр.)
