Мастэрс, снукер

З пляцоўкі Вікіпедыя
Перайсці да: рух, знайсці
Мастэрс
Фота
Трафей турніра мастэрс з 2004 года
Год заснавання: 1975
Арэна: «Аляксандра-палац» (з 2012 г.)
Горад: Лондан
Краіна: Англія
Спонсар: Dafabet (2014 г.)
Фармат: Нярэйтынгавы турнір
Прызавы фонд: £600,000 (2014 г.)
Дзеючы чэмпіён: Сцяг Англіі Роні О'Саліван
Рэкордная колькасць тытулаў: 6: Сцяг Шатландыі Стывен Хендры
Турніры трайной кароны
Чэмпіянат Вялікабрытаніі
Мастэрс
Чэмпіянат свету
Апошні турнір
Мастэрс 2014


Мастэрс (англ.: The Masters) — прафесійны нярэйтынгавы снукерны турнір. Праходзіць штогод в 1975 года і з'яўляецца найстарэйшым снукерным турнірам пасля чэмпіянату свету. Мастэрс — адзін з турніраў «трайной кароны» і, хоць не з'яўляецца рэйтынгавым, лічыцца адным з самых прэстыжных снукерных першынстваў. Мастэрс штогод праходзіць у Лондане, з 2012 года — у Аляксандра-палацы. Дзеючы чэмпіён турніру — Роні О'Саліван, які выйграў турнір у пяты раз у 2014 годзе.

Ужо на першым турніры, у 1975 годзе, куды было запрошана 10 удзельнікаў, сабраліся лепшыя гульцы таго часу. З з'яўленнем сусветнага рэйтынгу ў 1976 годзе на турнір сталі запрашацца лідэры, хоць большасць турніраў у той час не ўваходзілі ў склад рэйтынгавых. У далейшым колькасць удзельнікаў была павялічана да 12, а з 1983 года і па гэты дзень на Мастэрс удзельнічаюць 16 гульцоў, кожны з якіх пачынае барацьбу са стадыі 1/8 фіналу. У цяперашні час, у турніры прымаюць удзел 16 снукерыстаў, якія займаюць вышэйшыя пазіцыі ў сусветным рэйтынгу, а першы і другі нумары пасеву аддаюцца леташняму пераможцу і дзейнаму чэмпіёну свету адпаведна.

У 40 турнірах Мастэрс прынялі ўдзел 83 гульца, з якіх 20 атрымлівалі перамогу. Рэкардсменам па колькасці тытулаў Мастэрс з'яўляецца Стывен Хендры з шасцю выніковымі перамогамі (1989—1993, 1996). Уладальнік пяці трафеяў — Роні О'Саліван (1995, 2005, 2007, 2009, 2014). Па тры перамогі ў Кліфа Торбурна (1983, 19851986), Стыва Дэвіса (1982, 1988, 1997), Пола Хантэра (20012002, 2004) і Марка Сэлбі (2008, 2010, 2013). Двойчы на Мастэрс перамагалі Алекс Хігінс (1978, 1981), Марк Уільямс (1998, 2003) і Джон Хігінс (1999, 2006).

На дадзены момант, у рамках Мастэрс ўжо разыграна больш за £13 мільёнаў. Лідэрам па прызавым за ўсе гады правядзення з'яўляецца Роні О'Саліван, які выйграў больш за £1,2 млн. З 1975 года на турніры было зроблена дзве максімальныя серыі; іх аўтары — Кірк Стывенс у 1984 і Дзін Дзюньхуэй у 2007 годзе. Часцей за ўсіх прыз за вышэйшы брэйк турніру атрымліваў шасціразовы чэмпіён Стывен Хендры — 5 разоў (1989, 1990 (падзяліў), 1995, 1996, 2003). Чатыры разы яго атрымлівалі Джымі Уайт (1987, 1992, 1993, 2001 (падзяліў)) і Роні О'Саліван (2002, 2004, 2006, 2012).