Маўры Шры-Ланкі

З пляцоўкі Вікіпедыя
Перайсці да: рух, знайсці
Маўры Шры-Ланкі
(இலங்கைச் சோனகர்)
Faheem 2008's.jpg
Агульная колькасць 1549000 чал.
Рэгіёны пражывання Шры-Ланка
Мова тамільская
Рэлігія іслам
Блізкія этнічныя групы тамілы, арабы, малаялі
Колькасць маўраў у розных акругах Шры-Ланкі

Маўры Шры-Ланкі (там.: இலங்கைச் சோனகர்) - народ, этнічная і рэлігійная меншасць у дзяржаве Шры-Ланка. Агульная колькасць - 1549000 чал. (2009 г.).

Гісторыя[правіць | правіць зыходнік]

Маўры Шры-Ланкі лічаць, што іх продкамі былі арабскія і персідскія гандляры, што трапілі на Шры-Ланку ў сярэднявеччы. Да XVI ст. назіралася перасяленне мусульман на поўнач Шры-Ланкі з Малабарскага ўзбярэжжа. Некаторыя з іх займаліся пасрэдніцкім гандлем і ліхвярствам. Малабарскія мусульмане трымалі плантацыі спецый, апрацоўвалі зямлю, лавілі рыбу, лічыліся добрымі рамеснікамі. У XIIXV стст. узгадваюцца мусульманскія ўладары, якія кіравалі пэўнымі тэрыторыямі на поўначы вострава.

З прыходам на Шры-Ланку партугальцаў сітуацыя значна змянілася. Мусульмане былі выгнаны з сінгальскай дзяржавы, а пасля захопу Джафны сталі прыціскацца хрысціянамі. Многія былі вымушаны перабрацца на ўсходняе ўзбярэжжа, дзе да сёй пары складаюць значную частку насельніцтва.

У эпоху галандскай каланіяльнай улады сярод маўраў сяліліся мусульмане-малайцы, якія служылі ў галандцаў ваеннымі наёмнікамі. Пасля абвяшчэння ў пач. XIX ст. брытанскай каланіяльнай адміністрацыяй рэлігійнай свабоды маўры пачалі перасяляцца ў іншыя раёны, дзе традыцыйна займаліся гандлем.

Прадстаўнікі сінгальскага нацыянальнага руху першапачаткова адмоўна ставіліся да маўраў як іншаверцаў і моўных тамілаў. Але ў XX ст. пасля абвяшчэння незалежнасці Шры-Ланкі мусульманская меншасць ператварылася ў аб'ект спрэчак паміж сінгаламі і таміламі. У гады грамадзянскай вайны 19832009 гг. маўры станавіліся ахвярамі ўзброеных сіл з абодвух бакоў.

Асаблівасці культуры[правіць | правіць зыходнік]

Культурныя асаблівасці маўраў Шры-Ланкі вызначаюцца іх рэлігіяй, якая моцна адрознівае іх ад тамілаў і сінгалаў. Яны спавядаюць іслам суніцкага толку. Размаўляюць на тамільскай мове, але ў адрозненні ад тамілаў-мусульман Індыі маўры цалкам адвяргаюць каставы падзел. Жыхары ўсходняга і паўночнага ўзбярэжжаў падтрымлтіваюць традыцыйныя сваяцкія сувязі з малабарскімі мусульманамі, часцяком маюць прозвішчы індыйскага паходжання. Астатнія маўры носяць арабскія прозвішчы і імёны.

Гл. таксама[правіць | правіць зыходнік]

Спасылкі[правіць | правіць зыходнік]