Медаль «За вызваленне Бялграда»

Медаль «За вызваленне Бялграда»
Краіна	СССР
Тып	медаль
Каму ўручаецца	ваеннаслужачым Чырвонай Арміі, Ваенна-марскога флота і войскаў НКУС
Падставы ўзнагароджання	непасрэдным удзельнікам вызваленні Бялграда
Дата заснавання	9 чэрвеня 1945
Статус	не ўручаецца
Статыстыка ўзнагароджанняў
Колькасць	70 000
Характарыстыкі
Матэрыял	Латунь
Памеры	круг з латуні дыяметрам 32 мм
Чарговасць узнагарод
Старэйшая	Медаль «За ўзяцце Берліна»
Малодшая	Медаль «За вызваленне Варшавы»
Медыяфайлы на Вікісховішчы

Медаль «За вызваленне Бялграда» — медаль, заснаваны Указам Прэзідыума ВС СССР ад 9 чэрвеня 1945 года. Праект медаля стварыў мастак А. І. Кузняцоў.

Медалём «За вызваленне Бялграда» ўзнагароджваюцца ваеннаслужачыя Чырвонай Арміі, Ваенна-марскога флоту і войскаў НКУС — непасрэдныя ўдзельнікі гераічнага штурму і вызвалення Бялграда ў перыяд 29 верасня — 22 кастрычніка 1944 г, а таксама арганізатары і кіраўнікі баявых аперацый пры вызваленні гэтага горада.

Медаль «За вызваленне Бялграда» носіцца на левым боку грудзей і пры наяўнасці іншых медалёў СССР размяшчаецца пасля медаля «За ўзяцце Берліна».

Медалём «За вызваленне Бялграда» ўзнагароджана каля 70 000 чалавек.

Апісанне медаля

Медаль «За вызваленне Бялграда» вырабляецца з латуні і мае форму правільнага круга дыяметрам 32 мм.

На вонкавым боку медаля па акружнасці надпіс «ЗА ВЫЗВАЛЕННЕ», у цэнтры надпіс «БЯЛГРАДА», уверсе над надпісам пяціканцовая зорачка, па акружнасці лаўровы вянок.

Бок медаля абрамлены борцікам.

На адваротным боку медаля дата вызвалення Бялграда — «20 кастрычніка 1944 года», над датай пяціканцовая зорачка.

Усе надпісы і малюнкі на медалі выпуклыя.

Медаль пры дапамозе вушка i кольца злучаецца з пяцівугольнай калодкай, абцягнутай зялёнай шаўковай муаравай стужкай шырынёй 24 мм. Пасярэдзіне стужкі чорная палоска шырынёй 8 мм.

Спасылкі

• На Вікісховішчы ёсць медыяфайлы па тэме Медаль «За вызваленне Бялграда»

Медалі і ордэны СССР