Мотабол
З Вікіпедыя.
МОТАБОЛ: адзін з відаў матаспорту, гульня з мячом на матацыклах.
Пляцоўка для гульні мае даўжыню 90—120 м, шырыню 45—75 м. Час гульні — 80 мін. (4 перыяды па 20 мін., перапынкі па 10 мін.). Разметка падобная на футбольную, але няма цэнтральнага кругу, а брамная пляцоўка мае форму паўкола. Пакрыццё поля звычайна не грунтавае, а гаравае ці асфальтавае; асфальт прыцярушваюць пяском дзеля лепшага счаплення шынаў матацыкла.
Гуляюць мячом, памеры якога значна больш футбольнага. У кожнай камандзе 5 чалавек — брамнік (варатар) і 4 палявых гульцы на матацыклах.
Мэта гульні — забіць як мага больш галоў у браму (вароты) праціўніка.
Мотабольны матацыкл мае рабочы аб'ём цыліндраў да 175 см3, і мала адрозніваецца ад звычайнай кросавай машыны. Мены датычаць толькі органаў кіравання, бо адна нага матабаліста занятая мячом, і ўсталявання на пярэдняе кола матацыкла дугаў для вядзення мяча.
[правіць] Гісторыя
Лічыцца, што першымі гуляць з мячом на матацыклах пачалі ў Францыі ў 1920-я гг. Гульня выявілася такой папулярнай, што мотабольныя каманды з'явіліся ў Англіі, Германіі, Бельгіі, Італіі. Пачалі праводзіцца чэмпіянаты гэтых краін, а ў 1933 годзе адбылася першая міжнародная гульня. Першая мотабольная гульня ў СССР адбылася ў 1937 г., і правялі яе студэнты маскоўскага інстытута фізкультуры.
Новы мотабольны бум пачаўся ў Еўропе, з пачатку 1960-х гг. Пачаў праводзіцца кубак Еўропы. Вельмі папулярным мотабол стаўся ў СССР, дзе існавалі сотні каманд. Матчы адбываліся на цэнтральных стадыёнах — у Лужніках і на "Дынама", трансляваліся па тэлебачанні; каментатарам некаторых быў Вадзім Сіняўскі, а суддзём некаторых — Юрый Гагарын. Праводзіліся чэмпіянаты СССР (з 1965), чэмпіянаты БССР (з 1966).
Дапамажыце Вікіпедыі, перапрацаваўшы артыкул адпаведна прынятым стандартам.
Дапамажыце Вікіпедыі, выправіўшы памылкі ў гэтым артыкуле.
