Рока (мыс)

Рока
парт. Cabo da Roca
Краіна	Партугалія
Медыяфайлы на Вікісховішчы

Мыс Рока (парт.: Cabo da Roca) — крайні заходні пункт Еўразіі, знаходзіцца на тэрыторыі Партугаліі. Рымляне называлі мыс «Promontorium Magnum», а ў час Вялікіх геаграфічных адкрыццяў — Мыс Лісабона. Каардынаты мыса 38°47′ паўночнай шыраты, 9°30′ заходняй даўгаты высечаны на каменнай стэле, устаноўленай там жа.

Краявід пасля захаду сонца

Мыс знаходзіцца недзе за 40 км на захад ад Лісабона. Вышыня скалы — 140 метраў над узроўнем Атлантычнага акіяна. На вяршыні знаходзіцца маяк, пошта, рэстаран і крама сувеніраў, дзе можна купіць пасведчанне аб наведанні мыса Рока.

Партугальскі паэт Луіс Камоэнс сказаў пра мыс Рока: «Гэта месца, дзе зямля канчаецца і пачынаецца мора» (парт.: Onde a terra acaba e o mar começa).

Літаратура

• Рока // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 402. — 10 000 экз. — ISBN 985-11-0035-8. — ISBN 985-11-0216-4 (т. 13).