Мікалай Васілевіч Рамашка

Мікалай Васілевіч Рамашка
Мікалай Васілевіч Рамашка
Дата нараджэння	13 кастрычніка 1913
Месца нараджэння	Дусаеўшчына, Слуцкі павет, Мінская губерня, Расійская імперыя;
Дата смерці	30 чэрвеня 1944 (30 гадоў)
Месца смерці	Асіповіцкі раён, Беларусь;
Месца пахавання	Вайсковыя могілкі;
Прыналежнасць	СССР
Род войскаў	артылерыя
Гады службы	1935—1944
Званне	маёр
Бітвы/войны	Вялікая Айчынная вайна
	медалі

Мікалай Васілевіч Рама́шка^[1] (30 верасня (13 кастрычніка) 1913 — 30 чэрвеня 1944) — удзельнік Вялікай Айчыннай вайны, Герой Савецкага Саюза (26.10.1944, пасмяротна).

Біяграфія[правіць | правіць зыходнік]

Мікалай Васілевіч Рамашка нарадзіўся ў вёсцы Дусаеўшчына (цяпер у Капыльскім раёне Мінскай вобласці Беларусі. Скончыў 7 класаў школы, працаваў у саўгасе. У Чырвонай Арміі з 1935 года. Падчас Вялікай Айчыннай вайны з 1941 года на Паўночна-Заходнім і 2-м Беларускім франтах.

Намеснік камандзіра 1359-га зенітна-артылерыйскага палка маёр М. В. Рамашка вызначыўся 30 чэрвеня 1944 г. у час абароны чыгуначнага моста і пераправы праз раку Бярэзіна каля вёскі Свіслач (Асіповіцкі раён). У крытычны момант бою М. Рамашка замяніў параненага камандзіра кулямётнай роты і асабіста знішчыў больш за 200 салдат праціўніка. Загінуў у гэтым баі.

Быў пахаваны ў брацкай магіле ў вёсцы Несята Клічаўскага раёна Магілёўскай вобласці. Пазней прах Героя быў перапахаваны на Вайсковых могілках у Магілёве.

Памяць[правіць | правіць зыходнік]

Помнік на брацкай магіле.
Імем названы вуліцы ў Магілёве і Капылі, а таксама сквер у Магілёве.
У 1975 годзе на радзіме Героя ў вёсцы Дусаеўшчына Капыльскага раёна ўстаноўлены бюст.

Зноскі

↑ Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13.

Літаратура[правіць | правіць зыходнік]

Рамашка Мікалай Васілевіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 300. — 10 000 экз. — ISBN 985-11-0035-8. — ISBN 985-11-0216-4 (т. 13).

Спасылкі[правіць | правіць зыходнік]

[БЭ13-1] Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13.

[1]