Мінская вобласць

З Вікіпедыя.

**Мінская вобласць**
Герб	Сцяг
Краіна	Беларусь
Статут	вобласць
Уключае	22 раёна
Адміністрацыйны цэнтр	Мінск
Вялікія гарады	Барысаў Маладзечна Слуцк Нясвіж
старшыня аблвыканкама	Леанід Крупец
Насельніцтва (2006)	1,466 млн
Шчыльнасць	36,5 чал./км²
Плошча	40,2 тыс. км²

Код ISO 3166-2	BY-MI
Код аўта. нумароў	5
Афіцыйны сайт

МІНСКАЯ ВОБЛАСЦЬ, адміністрацыйна-тэрытарыяльная адзінка ў БССР і Рэспубліцы Беларусь. Размешчана ў цэнтральнай частцы краіны, выхаду да вонкавых межаў не мае.

[правіць] Гісторыя

Вобласць створана 15.1.1938, узбуйнена ў 1954 і 1960. Падзяляецца на 22 раёны.

У 1987 на тэрыторыі вобласці 19 гарадоў, 19 гарадскіх пасёлкаў, 2 рабочыя пасёлкі, 1 курортны пасёлак.

У 1998 колькасць насельніцтва (без Мінска) склала 1566,2 тыс. чал. У вобласці налічвалася 20 гарадоў у т.л. 7 абласнога падпарадкавання, 23 гарадскія пасёлкі, 307 сельсаветаў, 5248 сельскіх населеных пунктаў.

[правіць] Прырода

Для рэльефа Міншчыны характэрна чаргаванне ўзвышшаў і нізін. На тэрыторыі вобласці знаходзіцца самы высокі пункт Беларусі - гара Дзяржынская. Клімат вобласці ўмерана кантынентальны.

Мінская вобласць знаходзіцца на Балтыйска-Чарнаморскім вадападзеле, праз яе тэрыторыю цякуць рэкі Бярэзіна, Нёман, Вілія, Свіслач, Пціч, Случ, а таксама іх прытокі. На поўначы вобласці ёсць значныя азёры, сярод іх выдзяляецца возера Нарач - самае вялікае ў Беларусі.

Сельскагаспадарчыя землі займаюць пераважна дзярнова-падзолістыя глебы (супясчаныя і сугліністыя), а таксама дзярнова-падзолістыя забалочаныя глебы і тарфяна-балотныя глебы.

Больш за трэцюю частку тэрыторыі вобласці пакрываюць лясы, у Барысаўскім, Лагойскім раёнах лясістасць дасягае 50%. Галоўныя лесаўтваральныя пароды: хвоя звычайная, елка еўрапейская, бяроза павіслая. Поймы рэк займаюць нізінныя лугі. Балоты пераважна асушаныя.

На тэрыторыі вобласці знаходзіцца Нарачанскі нацыянальны парк, Бярэзінскі біясферны запаведнік (часткова).

[правіць] Насельніцтва

Для Мінскай вобласці характэрна змяншэнне колькасці насельніцтва: з 1566,2 тыс. чал. у 1998 г. да 1513,9 тыс. чал. у 2003 г. Гарадское насельніцтва (без Мінска) складае 53,5% (2003). Найбольшыя гарады: Барысаў (150,6 тыс. чал.), Салігорск (101,7), Маладзечна, Слуцк, Жодзіна.

Нацыянальны склад насельніцтва (1999): беларусы - 86,6%, рускія - 8,5%, украінцы - 2,4%, палякі - 1,9%.

[правіць] Гаспадарка

У гаспадарчым комплексе важнае значэнне мае прамысловасць. Мінская вобласць спецыялізуецца на здабычы калійнай солі, вытворчасці прадукцыі машынабудаўнічай, хімічнай, дрэваапрацоўчай, лёгкай, харчовай галін.

Міншчына з'яўляецца адным з важнейшых сельскагаспадарчых рэгіёнаў Беларусі, у вобласці вырошчавюцца збожжавыя (жыта, ячмень, авёс, пшаніца), кармавыя культуры, цукровыя буракі, лён, бульба, гародніна. Развіваецца жывёлагадоўля малочна-мяснога кірунку.

У структуры перавозак важнейшае месца займаюць чыгуначны і аўтамабільны транспарт.

•