Мінскі аўтамабільны завод

З пляцоўкі Вікіпедыя
Перайсці да: рух, знайсці

Каардынаты: 53°51′25″ пн. ш. 27°39′22″ у. д. / 53.856944° пн. ш. 27.656111° у. д. (G) (O) (Я)

ААТ "Мінскі аўтамабільны завод"
Тып

Адкрытае акцыянернае таварыства

Год заснавання

1944

Размяшчэнне

Сцяг Беларусі г. Мінск, Рэспубліка Беларусь

Ключавыя фігуры

Генеральны дырэктар
Аляксандр Васільевіч Бароўскі

Галіна

Аўтамабілебудаванне

Прадукцыя

грузавыя аўтамабілі, аўтобусы, спецтэхніка

Чысты прыбытак

$945 млн. (за 9 месяцаў 2011 год, Мінфін РБ)

Сайт

http://www.maz.by/

ААТ «Мінскі аўтамабільны завод» — найбуйнейшае дзяржаўнае прадпрыемства Беларусі па выпуску вялікагрузнай аўтамабільнай, а таксама аўтобуснай, тралейбуснай і прычапной тэхнікі.

Гандлёвая марка МАЗ шырока вядомая ў СНД і ў далёкім замежжы. Аўтамабілі МАЗ добра зарэкамендавалі сябе ў працы ў раёнах Крайняй Поўначы, пустынях Каракумы і Сахары, у тропіках Афрыкі, Паўднёва-Усходняй Азіі і Амерыкі, на Блізкім і Сярэднім Усходзе, гарах Лацінскай Амерыкі. Аўтамабілі МАЗ пастаўляліся ў больш чым 45 краін свету. Пасля праблемнага перыяду пачатку 1990-х, сёння МАЗ змог вярнуцца на большасць з гэтых рынкаў.

Завод з'яўляецца самастойным суб'ектам гаспадарання з правам юрыдычнай асобы, уваходзіць у якасці галаўнога прадпрыемства ў склад вытворчага аб'яднання "БелаўтаМАЗ" (у складзе якога знаходзяцца таксама РУП «МаАЗ», Магілёў; ААТ «БААЗ», Баранавічы; ААТ «АЗАА", Асіповічы; Руа «КЗТШ», Жодзіна; РУП «Літмаш», Мінск; ВРУП «ДЭМЗ», Дзяржынск; РУП «БудМАЗтрэст», Мінск.

Гісторыя[правіць | правіць зыходнік]

Заснаваны 9 жніўня 1944 года пастановай Дзяржаўнага камітэта абароны аб арганізацыі аўтазборачнага завода ў Мінску.

1944—1947 гг[правіць | правіць зыходнік]

Адначасова з будаваннем завода, у кастрычніку 1944 года пачынаецца зборка грузавых машын GMC и Studebaker з вузлоў і дэталяў, якія паступалі па ленд-лізу. Вырабленыя аўтамабілі адразу ж адпраўлялі на фронт. Зборка спынена ў кастрычніку 1946 г. За два гады было сабрана 18174 аўтамабіля.

У красавіку 1946 года быў асвоены выпуск прычэпаў.

1947—1991 гг[правіць | правіць зыходнік]

У 1947 годзе на заводзе пачаўся выпуск грузавых аўтамабіляў. Першымі машынамі, якія, выйшлі з цэха 7 лістапада 1947 года, сталі 6-тонныя самазвалы МАЗ-205, створаныя яшчэ на Яраслаўскім аўтазаводзе.

Да канца 1950 года завод знаходзіўся ў стадыі будаўніцтва, таму на прадпрыемстве займаліся толькі зборкай машын і вытворчасцю драўляных кабін. Амаль 75% камплектуючых агрэгатаў паступала ў Мінск з Яраслаўля. І толькі ў 1951 годзе ў эксплуатацыю былі запушчаныя асноўныя вытворчыя магутнасці завода.

На грузавікі серыі «200» ў 1959 і 1964 гадах прыйшоўся выпуск 100- і 200-тысячнага аўтамабіля маркі «МАЗ».

У 1950 годзе на МАЗе было створана канструктарскае бюро звышцяжкіх грузавых аўтамабіляў, якое ўзначаліў вядомы канструктар Барыс Львовіч Шапашнік. Пад яго кіраўніцтвам 17 верасня 1950 быў сабраны першы 25-тонны кар'ерны самазвал МАЗ-525. У 1957 годзе пачаўся выраб трохвосевай машыны МАЗ-530 грузападымальнасцю 40 тон. З 1956 года МАЗ выпускаў таксама спецыяльныя колавыя машыны: будаўнічы МАЗ-528 і аэрадромны цягач МАЗ-541. У праграму таксама ўваходзілі аднавосевыя цягачы МАЗ-529В і МАЗ-531 для буксіроўкі скрэпераў.

Наступным важным этапам стала стварэнне заводам цяжкіх грузавікоў з бескапотнай кампаноўкай. Яшчэ ў 1958 годзе на МАЗе сабралі першыя ўзоры машын новага пакалення МАЗ-500, але толькі ў 1965 годзе, пасля рэканструкцыі завода, разгарнулася іх серыйная вытворчасць. Базавым варыянтам стаў бартавы 7,5-тонны МАЗ-500 з колавай базай 3850 мм.

У 1970 годзе адбылася мадэрнізацыя 500-га сямейства. Колавая база бартавой мадэлі МАЗ-500А ўзрасла на 100 мм, грузападымальнасць павялічылася да 8 т.

Пакаленне МАЗаў 1977-89 гадоў ўяўляла сабой набор розных пераходных камбінацый з шасі 500-й серыі, і адрознівалася толькі абліцоўваннем кабіны і суцэльнаметалічнай грузавой платформай.

У канцы 70-х распрацована новае — трэццяе пакаленне МАЗ. Першым у серыйнай вытворчасці ў 1978 годзе зэявіўся седлавы цягач МАЗ-6422 (6x4). Пераход на новае пакаленне практычна завяршыўся да 1985 года. Базавымі сталі седлавыя цягачы МАЗ-54322 і МАЗ-64227.

У 1988 годзе пачалося супрацоўніцтва з нямецкай фірмай MAN, чые 360-моцныя рухавікі былі ўпершыню ўстаноўлены на цягачы МАЗ-54326 і МАЗ-64226.

У 1988 годзе на Парыжскім аўтасалоне завод прадставіў вопытны прататып — МАЗ-2000 «Перабудова» даўжынёй 15 метраў з сілавымі агрэгатамі, размешчанымі ўнутры паваротнай каляскі пад высокай абцякальнай кабінай.

14 красавіка 1989 года быў сабраны 1000000 грузавік. Ім стаў цягач МАЗ-6422.

з 1991 года[правіць | правіць зыходнік]

Пераход да эканамічных рэформаў пачатку 90-х гадоў адзначыўся буйнымі эканамічнымі і палітычнымі ўзрушэннямі, які паставіў МАЗ на грань катастрофы. У далейшым МАЗ змог аднавіць сілы, мадэрнізаваць свае папярэднія грузавікі і стварыць новае чацвёртае пакаленне. На іх з'явіліся больш сучасныя агрэгаты, АБС у прывадзе тармазоў, процібуксовачнай сістэма ASR. Нараўне з расійскімі рухавікамі Яраслаўскага і Тутаеўскага маторных заводаў ўсё шырэй сталі выкарыстоўвацца нямецкія маторы MAN, амерыканскія Cummins, англійскія Perkins.

11 сакавіка 1997 года з канвеера сышоў першы двухвосевы седлавы цягач сямейства «5440» чацьвёртага пакалення. Пачатак новаму трохвосеваму пакаленню даў седлавы цягач МАЗ-6430 для 46-тонных аўтацягнікоў.

У 1999 годзе завод прадставіў сярэднетанажны грузавік МАЗ-4370 з дызелем Д-245.9 (136 к.с.) Мінскага маторнага заводу. Яго вытворчасць пачалася ў сакавіку 2000 года.

Прадукцыя[правіць | правіць зыходнік]

Па выніках 2011 агульны аб'ём рэалізацыі склаў 28,8 тыс. адзінак, з якіх 20,2 тыс. адзінак прыпадае на грузавыя аўтамабілі і 2,1 тыс. — пасажырскую тэхніку. У структуры продажаў доля экспарту ў 2011 годзе — 77%. Асноўным замежным рынкам з'яўляецца Расія — на яе прыходзіцца доля паставак да 60%. Па выніках 2011 года МАЗ заняў 10,2% расійскага рынку грузавікоў поўнай масай больш за 8 т[1].

Грузавыя аўтамабілі[правіць | правіць зыходнік]

МАЗ-437141 (Еўра-2)

З канвеера сходзяць аўтамабілі двух сямействаў: сямейства МАЗ-6422(выпускаецца з 1981 года) і сямейства МАЗ-6430(з 1997). Усяго больш за 500 мадэлей і мадыфікацый: седлавыя цягачы, бартавыя аўтамабілі, самазвалы, шасі пад ўстаноўку рознага спецабсталявання, сярэднетанажныя аўтамабілі, лесавозы. На аўтамабілях выкарыстоўваюцца рухавікі: ММЗ, ЯМЗ, Deutz (Дойц), MAN (МАН), Daimler (Даймлер). Прадукцыя адпавядае экалагічным стандартам Еўра-2, Еўра-3, Еўра-4, Еўра-5.

  • Сямейства МАЗ-6422:
    • Бартавыя аўтамабілі: МАЗ-5336, МАЗ-5337, МАЗ-6303, МАЗ-6317
    • Седлавыя цягачы: МАЗ-5432, МАЗ-5433, МАЗ-6422
    • Самазвалы: МАЗ-5551, МАЗ-5516, МАЗ-6517
  • Сямейства МАЗ-6430:
    • Бартавыя аўтамабілі: МАЗ-5340, МАЗ-5309, МАЗ-6312
    • Седлавыя цягачы: МАЗ-5440, МАЗ-6430
    • Самазвалы: МАЗ-5550, МАЗ-6501, МАЗ-6516
  • Сярэднетанажныя аўтамабілі:

Аўтобусы[правіць | правіць зыходнік]

Нізкападлогавыя гарадскія аўтобусы МАЗ-203 і МАЗ-206

15 чэрвеня 1992 г. была падпісана дамоўленасць паміж Мінскім Аўтамабільным Заводам і нямецкай аўтобуснай фірмай Неаплан (Neoplan), на падставе якога МАЗу была перададзена ліцэнзія на вытворчасць гарадскога аўтобуса Neoplan 4014 і турыстычнага лайнера Neoplan 316SHD. Былі перададзены таксама зборачныя прыстасаванні і тэхнічная дакументацыя. Першыя шэсць нізкападлогавых аўтобусаў былі сабраныя з нямецкіх машына-камплектаў ў 1993 года на плошчах Мінскага завода колавых цягачоў[2]. Першая пастаўка аўтобусаў МАЗ у прамыслова значных аб'ёмах адбылася ў 1997 г.

МАЗ-MAN[правіць | правіць зыходнік]

Асноўны артыкул: МАЗ-MAN.
Самазвал МАЗ-MAN-750268

10 снежня 1997 сумесна з канцэрнам "МАН" ("MAN") створана сумеснае беларуска-нямецкае прадпрыемства ЗАТ "МАЗ-МАН», на якім да 1998 года была наладжана серыйная вытворчасць вялікагрузнай аўтамабільнай тэхнікі на шасі МАЗ з выкарыстаннем кабіны і рухавіка вытворчасці МАН. Адным з прыярытэтных напрамкаў прадпрыемства з'яўляецца выпуск седлавых цягачоў для міжнародных перавозак з колавай формулай 4x2 і 6x4, прыдатных для эксплуатацыі ў Еўропе і адпаведных ўсім еўрапейскім патрабаванням. Асвоены выпуск бартавых грузавікоў, самазвалаў, франтальных пагрузчыкаў. На базе шасі МАЗ-МАН наладжана вытворчасць бетоназмяшальнікаў, палівазапраўных аўтацыстэрнаў і г. д.

Галерэя[правіць | правіць зыходнік]

Спорт[правіць | правіць зыходнік]

У 1987-1992 гг МАЗ удзельнічаў у чэмпіянаце Еўропы па кальцавых гонках на грузавіках[3]. Апошнім выступам кальцавога МАЗа стаў этап чэмпіянату свету ў Францыі, дзе Генадзь Драпкін заняў другое месца. Але па вяртанні дадому каманда была расфармаваная, праект закрыты, машына разукамплектавана, а пазней распілавана на металалом.

У 1999-2001 гг каманда "МАЗ-Яравіт" удзельнічае ў чэмпіянаце Еўропы па трак-трыяле. У 2000 годзе экіпаж Пётр Орсік / Дзмітрый Кніга стаў пераможцам чэмпіянату. У 2001-м экіпаж паўтарыў сваё дасягненне[4].

З 2010 года каманда Мінскага аўтамабільнага завода — «МАЗ-СПОРТаўта» — на аўтамабілях МАЗ-5309RR прымае ўдзел у міжнародных ралі-рэйдах "Шаўковы шлях", "Дакар", "Золата кагана" і інш.

Гл. таксама[правіць | правіць зыходнік]

Спасылкі[правіць | правіць зыходнік]

Зноскі

  1. Міжнародны спецыялізаваны часопіс «Камерцыйны транспарт» № 2 (94) Сакавік 2012, ст.34
  2. http://os1.ru/article/anniversary/2007_11_A_2008_04_10-14_26_16/
  3. [1]
  4. [2]