Міністр без партфеля

Міністр без партфеля - член урада, які не кіруе міністэрствам, але выконвае асобныя даручэнні прэм'ер-міністра і мае паўнавартаснае права голасу на ўрадавых паседжаннях. Практыка прызначэння міністраў без партфеля пашырана ў многіх краінах свету, міністры без партфеля ў розных краінах могуць называцца па-рознаму, напрыклад, у Вялікабрытаніі, Індыі, Ірландыі, Канадзе, Пакістане, Японіі - дзяржаўны міністр, у Германіі - міністр па асобых справах.