Міхаіл Акімавіч Зюванаў

Міхаіл Акімавіч Зюванаў
Міхаіл Акімавіч Зюванаў
Дата нараджэння	24 лютага 1906
Месца нараджэння	Грозны, Groznensky Okrug[d], Церская вобласць[d], Расійская імперыя;
Дата смерці	29 красавіка 1977 (71 год)
Месца смерці	Мінск, БССР, СССР;
Краіна	Расійская імперыя; СССР;
Альма-матар	Азербайджанскі дзяржаўны педагагічны ўніверсітэт[d]; Беларуская дзяржаўная кансерваторыя імя А. В. Луначарскага;
Месца працы	Нацыянальны акадэмічны Вялікі тэатр оперы і балета Рэспублікі Беларусь; Беларуская дзяржаўная кансерваторыя імя А. В. Луначарскага; Азербайджанскі тэатр оперы і балета; Дзяржаўны акадэмічны рускі хор імя А. В. Свешнікава[d]; Кіргізскі тэатр оперы і балета імя А. Малдыбаева; Пермскі акадэмічны тэатр оперы і балета імя П. І. Чайкоўскага; Вялікі тэатр;
Музычная дзейнасць
Педагог	Яўген Эдуардавіч Вітынг
Прафесіі	оперны спявак
Пеўчы голас	бас
Інструменты	вакал[d]
Узнагароды	;

Міхаіл Акімавіч Зюва́наў^[1] (24 лютага 1906, горад Грозны — 29 красавіка 1977, Мінск) — беларускі спявак (бас). Народны артыст БССР (1954).

Біяграфія[правіць | правіць зыходнік]

Нарадзіўся ў горадзе Грозны. Разам з бацькамі пераехаў у Баку, дзе паступіў у гімназію. Затым два гады працаваў слесарам на нафтапромысле і вучыўся на вячэрнім рабфаку, наведваў хор клуба чыгуначнікаў. Скончыў Азербайджанскі педагагічны інстытут і працаваў настаўнікам у школе. У другой палове 1930-х гадоў паступіў у Азербайджанскую дзяржаўную кансерваторыю. З 1938 года саліст у Азербайджанскім дзяржаўным тэатры оперы і балета, з 1942 года — саліст Дзяржаўнага хору СССР. Потым працаваў у Кыргызскім тэатры оперы і балета. У час Вялікай Айчыннай вайны ў складзе франтавой брыгады артыстаў Кіргізскай СССР выступаў перад байцамі Бранскага і Калінінскага франтоў. З 1944 года саліст Дзяржаўнага акадэмічнага Вялікага тэатра СССР, у 1947—1948 гадах — Молатаўскага Дзяржаўнага тэатра оперы і балета. У 1950 годзе паступіў у Беларускую кансерваторыю, якую скончыў у 1951 годзе. У 1949—1961 гадах саліст Беларускага тэатра оперы і балета. З 1962 года выкладаў у Беларускай кансерваторыі^[1].

Творчасць[правіць | правіць зыходнік]

Сярод партый — Барыс Гадуноў, Канчак, Сусанін, Мельнік, Грэмін, Качубей; Дон Базіліа («Севільскі цырульнік»), Мефістофель; Кецал («Прададзеная нявеста» Б. Смятаны), Дураў («Надзея Дурава» А. Багатырова), Даніла і Анішук («Дзяўчына з Палесся» і «Міхась Падгорны» Я. Цікоцкага), Якуб («Марынка» Р. Пукста), Гадлеўскі («Яснае світанне» А. Туранкова).

Зноскі

↑ ^а ^б Беларусь 1995.

Літаратура[правіць | правіць зыходнік]

Зюванаў Міхаіл Акімавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 341. — 800 с. — 5 000 экз. — ISBN 985-11-0026-9.
Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).

Спасылкі[правіць | правіць зыходнік]

Зюванаў Міхаіл Акімавіч на сайце анлайн-энцыклапедыі «Беларусь у асобах і падзеях»
Беларускі дзяржаўны архіў-музей літаратуры і мастацтва Архівавана 23 красавіка 2022.

[FOOTNOTEБеларусь1995-1] а ^б Беларусь 1995.

[1]