Міхаіл Аляксандравіч Уласенка

Міхаіл Аляксандравіч Уласенка
Асабістыя звесткі
Дата нараджэння	10 лютага 1937(1937-02-10) (87 гадоў)
Месца нараджэння	Юшкавічы, Ходасаўскі сельсавет, Мсціслаўскі раён, БССР, СССР
Грамадзянства	Беларусь
Альма-матар	Мсціслаўскі дзяржаўны прафесійны ліцэй №6[d]
Месца працы	Крычаўскае жыццё[d] Горацкі веснік[d] Зямля і людзі[d] Магілёўская праўда
Прафесійная дзейнасць
Род дзейнасці	паэт, журналіст
Грамадская дзейнасць
Член у	Саюз пісьменнікаў Беларусі Беларускі саюз журналістаў

Міхаіл Аляксандравіч Уласенка (нар. 10 лютага 1937, в. Юшкавічы, Мсціслаўскі раён, Магілёўская вобласць) — беларускі паэт, журналіст.

Біяграфія

Бацькі ─ Аляксандр Паўлавіч і Ульяна Рыгораўна ─ былі патомнымі сялянамі-хлебаробамі. Таму яго, старэйшага з чатырох сыноў, арыентавалі да зямлі, на сельскую прафесію. Скончыў 7 класаў Маляціцкай СШ у 1954 годзе і паступіў у Мсціслаўскае вучылішча механізацыі. Да арміі працаваў трактарыстам, рабочым мостабудаўнічага раёна.

Потым была служба на Балтыйскім флоце. Прышлося паднімаць і цаліну.

У 1964—1965 гадах працаваў на будоўлі Брацкай ГЭС.

У 1966 годзе прыехаў на родную Беларусь. Пачаў працаваць літсупрацоўнікам у Крычаўскай раённай газеце. Тут атрымаў сярэднюю і вышэйшую адукацыю.

З 1975 года — галоўны рэдактар Магілёўскага абласнога тэлерадыёкамітэта.

А з 1980 па 1992 гг. — рэдактар Горацкай раённай газеты, затым уласны карэспандэнт «Магілёўскай праўды». Зараз пенсіянер, але працуе ўласным карэспандэнтам у абласной газеце «Зямля і людзі».

Член Саюза журналістаў БССР (зараз — Рэспублікі Беларусь) (1965), член Магілёўскага абласнога аддзялення праўладнага Саюза пісьменнікаў Беларусі (2007).

Творчасць

М. Уласенка дэбютаваў у 1964 годзе, пісаў нарысы і вершы. Працаваў у рэспубліканскім, абласным і мясцовым друку. У сярэдзіне 1990-х гадоў пачаў асвойваць «кароткі» жанр ─ пераважна чатырохрадкоўе, напісаў шмат эпіграм і мініпародый, пераклаў у вершаванай форме мноства рускіх і беларускіх прымавак. Яны ўвайшлі ў першую кнігу «Мелочи жизни» (2005).

«Гэта сапраўды кніга таленавітага аўтара, у якой сваё бачанне не толькі дня сённяшняга, але, не пабаюся перабольшыць, Сусвету ў цэлым… Тут ёсць з чаго пасмяяцца і задумацца, азірнуцца навакол і кінуць позірк у будучыню» — так ацаніў першую кнігу паэта пісьменнік Анатоль Казлоў.

На выбар літаратурнай формы яго падштурхнулі, ў першую чаргу, багатае калізіямі жыцейскае асяроддзе, а таксама ўплыў майстроў парадыйнага жанру — Георгія Юрчанкі, Паўла Саковіча, Аляксандра Іванова і Аляксея П’янова, многіх іншых беларускіх і расійскіх сатырыкаў і гумарыстаў. Вершы, эпіграмы, мініпародыі М.Уласенкі выхапленыя з жыцця, з абуральнай паўсядзённасці нашага быта, уражваюць сваёй мастацкай дасканаласцю, прыцягваюць арыгінальнасцю жыццёвых назіранняў і нагадваюць нам аб тым, што мы самі часта назіраем, аб чым думаем-разважаем і з чаго смяёмся: Акрамя мініяцюр, Міхаіл Уласенка таксама піша сатырычныя вершы, паэмы, апавяданні на беларускай і рускай мовах.

Творы друкавалася ў «ЛіМе», у часопісе «Вожык», у альманаху «Гоман», у абласным друку і ў калектыўных зборніках.

Бібліяграфія

• Базар житейской суеты. — Могилев.: 2010. — 150 с.
• Мелочи жизни : книга юмора и сатиры провинциального задиры. — Могилев.: 2005. — 75 с.
• Стихотворения. Афоризмы // Галасы з Горацкага «Парнаса». — Горкі: 1995. — С. 37—39.
• Апавяданні // Галасы Прыдняпроўя: Магілёўшчына літаратурная: Паэзія, проза, пераклады, успаміны, крытыка, гумар і сатыра / Рэдкал.: І. Аношкін (уклад.) і інш. — Мн.: Маст. літ., 1991. — С. 184−190.
• Апавяданні // Дняпроўскія хвалі:Магілёўшчына літаратурная. — Магілёў.: 1993. — С. 186—193.

Літаратура

• Власенко, М. Автобиография, стихи // Зямля і людзі. — 2005. — 2 ліст.
• Детликович, П. Свежее лыко «народных опорок»: (к выходу из печати «Мелочей жизни») // Зямля і людзі. — 2005. — 2 ліст.
• Міхайлаў, У. З «Дробязямі жыцця» — на высокі «Парнас» // Ленінскі шлях (Горкі). — 2007. — 14 лют.
• Прынятыя ў Саюз пісьменнікаў Беларусі // ЛіМ. — 2006. — 1 снеж. — С. 3.
• Рудковский, Н. Ирония под руку с улыбкой… // Магілёўскія ведамасці. — 2005. — 10 снеж.
• Сатырычныя мініяцюры Міхаіла Уласенкі «Мелочи жизни» : буклет / Аддзел культуры Горацкага райвыканкама. — Горкі, 2007.
• Уласенка Міхась:Біяграфічныя звесткі // Галасы Прыдняпроўя: Магілеўшчына літаратурная: Паэзія, проза, пераклады, успаміны, крытыка, гумар і сатыра / Рэдкал.: І. Аношкін (уклад.) і інш. — Мн.: Маст. літ., 1991. — С. 342.
• Уласенка Міхась:Біяграфічныя звесткі // Дняпроўскія хвалі: Магілёўшчына літаратурная. — Магілёў.: 1993. — С. 360.
• Ліўшыц, Уладзімір. Майстар «кароткага жанру»(75 год М. Уласенку) // Літаратура і мастацтва. — 2012. — 10 лютага.
• Ліўшыц, Уладзімір. «Паэт палёгкі не шукае…» (пра Аляксандра Уласенку) // У кн.: На крылах натхнення — Мінск: 2016. — С.257-261.

Спасылкі

• Міхаіл Уласенка на сайце Магілёўскай абласной бібліятэкі(недаступная спасылка)