Міхаіл Сяргеевіч Вярбіцкі

З Вікіпедыі, свабоднай энцыклапедыі
У Вікіпедыі ёсць артыкулы пра іншых асоб з прозвішчам Вярбіцкі.
Міхаіл Сяргеевіч Вярбіцкі
Род дзейнасці матэматык, блогер, публіцыст, рэдактар
Дата нараджэння 20 чэрвеня 1969(1969-06-20) (54 гады)
Месца нараджэння
Грамадзянства
Месца працы
Альма-матар
Сайт verbit.ru (англ.)

Міхаіл (Міша) Сяргеевіч Вярбіцкі (20 чэрвеня 1969 г., Масква) — расійскі матэматык, публіцыст, інтэрнэт-актывіст. Найбольш вядомы літаратурай супраць сістэмы капірайту, стварэннем блогасферы «Тыфарэтнік» і судовым пазовам, які падаў супраць яго народны артыст Расіі Юрый Куклачоў.

Біяграфія[правіць | правіць зыходнік]

Сярэднюю адукацыю атрымаў у матэматычным класе сярэдняй школы № 57 г. Масквы. У 1990 г. вучыўся на мехмаце МДУ імя М. В. Ламаносава. У 1990—91 гг. наведваў заняткі ў Масачусецкім тэхналагічным інстытуце. У 1995 г. скончыў аспірантуру Гарвардскага ўніверсітэта са ступенню PhD па матэматыцы[1]. Дысертацыю абараняў пад кіраўніцтвам Давіда Каждана па тэме «Кагамалогія кампактных гіперкэлеравых мнагастайнасцей». У 1996—1997 гг. супрацоўнічаў у Інстытуце перспектыўных даследаванняў у Прынстане. У 2002—2007 працаваў ва Універсітэце Глазга.

З 1996 г. выкладае ў Незалежным Маскоўскім інстытуце, з 2010 г. — на факультэце матэматыкі НДУ ВШЭ. Аўтар кнігі «Антыкапірайт», якая прысвечана крытыцы аўтарскага права. Вярнуўшыся ў Расію, нейкі час быў блізкі да Нацыянал-бальшавісцкай партыі Эдуарда Лімонава, потым адышоў ад яе ў 1998 г.[2]. Публікаваўся ў газетах «Завтра», «Лимонка», у «Русском журнале».

У 1998 г. заснаваў незалежны музычны лэйбл «UR-REALIST», на якім публікуецца эксперыментальная і рознапланавая музыка. Рэдактар Інтэрнэт-часопіса «LENIN:»[3]. Стваральнік рускай службы вядзення блогаў LJ.Rossia.org[4] («тыфарэтніка»[5][6]).

У лістападзе 2009 г. народны артыст Юрый Куклачоў падаў пазоў на Міхаіла Вярбіцкага, патрабуючы скасаваць выказванні з блога на lj.rossia.org[7]. Міша Вярбіцкі, у прыватнасці, з ужываннем ненарматыўнай лексікі паведаміў чытачам, што, па чутках, Куклачоў карыстаецца электрашокерам пры дрэсіроўцы кошак. У снежні 2009 г. па просьбе пазоўніка (Куклачова) і адказніка судовае пасяджэнне было адкладзена ў надзеі ўладзіць канфлікт у пазасудовым парадку[8]. У лютым 2010 г. Нагацінскі раённы суд г. Масквы пастанавіў спагнаць з Мішы Вярбіцкага кампенсацыю ў памеры 40 тыс. рублёў на карысць Ю. Д. Куклачова[9]. Масгарсуд прызнаў законным рашэнне спагнаць з блогера Міхаіла Вярбіцкага 40 тыс. расійскіх рублёў у якасці кампенсацыі маральнай шкоды[10]. У той жа час сам Міхаіл Вярбіцкі асвячаў пазоў як замах на свабоду слова ў Інтэрнэце.

Зноскі

  1. ↑ Диплом Миши
  2. ↑ В публичной интернет-библиотеке Владимира Прибыловского(недаступная спасылка). Архівавана з першакрыніцы 30 ліпеня 2012. Праверана 20 чэрвеня 2014.
  3. ↑ imperium.lenin.ru. Архівавана з першакрыніцы 14 ліпеня 2012. Праверана 20 чэрвеня 2014.
  4. ↑ «Вести.net»: первые блоггеры Рунета. Архівавана з першакрыніцы 18 верасня 2012. Праверана 21 чэрвеня 2014.
  5. ↑ Жестокие игры. Архівавана з першакрыніцы 13 верасня 2012. Праверана 21 чэрвеня 2014.
  6. ↑ Где спрятаться от цепких рук спецслужб или 11 альтернатив Livejournal. Архівавана з першакрыніцы 8 ліпеня 2012. Праверана 21 чэрвеня 2014.
  7. ↑ Оскорбленный артист подал иск в суд на обидчиков. Архівавана з першакрыніцы 18 верасня 2012. Праверана 20 чэрвеня 2014., «Комсомольская правда», 1 декабря 2009 г.
  8. ↑ Конфликт между Юрием Куклачёвым и Михаилом Вербицким. Архівавана з першакрыніцы 8 ліпеня 2012. Праверана 21 чэрвеня 2014. // НТВ, 23.12.2009.
  9. ↑ Дело N 2-300/10. Архівавана з першакрыніцы 18 ліпеня 2012. Праверана 21 чэрвеня 2014.
  10. ↑ Решение по иску артиста Куклачева к блогеру вступило в силу. Архівавана з першакрыніцы 9 верасня 2012. Праверана 20 чэрвеня 2014.

Спасылкі[правіць | правіць зыходнік]

Узята з "https://be.wikipedia.org/w/index.php?title=Міхаіл_Сяргеевіч_Вярбіцкі&oldid=4621137"