Навасёлкаўскі сельсавет (Нясвіжскі раён)

З Вікіпедыі, свабоднай энцыклапедыі
Навасёлкаўскі сельсавет
Краіна  Беларусь
Уваходзіць у Нясвіжскі раён
Уключае 6 населеных пунктаў
Адміністрацыйны цэнтр Новыя Навасёлкі
Дата ўтварэння 12 кастрычніка 1940
Дата скасавання 28 мая 2013
Насельніцтва (2009) 752
Часавы пояс UTC+03:00
Код аўтам. нумароў 5

Навасё́лкаўскі сельсавет — былая адміністрацыйна-тэрытарыяльная адзінка ў складзе Нясвіжскага раёна Мінскай вобласці. Цэнтр — вёска Новыя Навасёлкі.

Утвораны 12 кастрычніка 1940 года ў складзе Нясвіжскага раёна Баранавіцкай вобласці БССР. Цэнтр — вёска Старыя Навасёлкі. З 8 студзеня 1954 года ў складзе Мінскай вобласці. 9 жніўня 1960 года ў склад Гарадзейскага сельсавета перададзены вёскі Завітая I і Завітая II[1]. Пазней цэнтр сельсавета перанесены ў вёску Новыя Навасёлкі. 28 мая 2013 года скасаваны, тэрыторыя далучана да Сейлавіцкага сельсавета[2].

Насельніцтва сельсавета паводле перапісу 2009 года — 752 чалавекі[3], з іх 87,0 % — беларусы, 6,4 % — рускія, 2,9 % — палякі[4].

На момант скасавання ў склад сельсавета ўваходзілі 6 населеных пунктаў: аграгарадок Старыя Навасёлкі, вёскі Амлынцы, Кучынаўшчына, Новыя Навасёлкі, Петухоўшчына і Стрыхараўшчына.

Зноскі

  1. Рашэнне выканкома Мінскага абласнога Савета дэпутатаў працоўных ад 9 жніўня 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 24.
  2. Решение Минского областного Совета депутатов от 28 мая 2013 г. № 234 Об изменении административно-территориального устройства районов Минской области Архівавана 31 сакавіка 2016.
  3. Колькасць насельніцтва населеных пунктаў Беларусі паводле перапісу 2009 года Архівавана 2 кастрычніка 2019.
  4. Этнічны склад насельніцтва сельсаветаў Беларусі паводле перапісу 2009 года

Літаратура[правіць | правіць зыходнік]

  • Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
  • Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.