Ноч на востраве Родас
| ||
| Іван Айвазоўскі | ||
| Ноч на востраве Родас. 1850 | ||
| (руск.) | ||
| Матэрыял | Палатно | |
|---|---|---|
| Тэхніка | алей | |
| Нацыянальны мастацкі музей Рэспублікі Беларусь, Беларусь | ||
Ноч на востраве Родас (руск.: Ночь на острове Родос) — карціна рускага мастака-марыніста Івана Айвазоўскага, напісаная ў 1850 годзе пасля падарожжа да берагоў Малой Азіі і выспаў Грэчаскага архіпелага з адміралам Фёдарам Літке.
Карціна з'яўляецца яскравым узорам начнога пейзажа ў творчасці ранняга Айвазоўскага, выхаванага ў рэчышчы акадэмічнай школы пад непасрэдным уплывам традыцый рамантызму[1].
Гісторыя стварэння[правіць | правіць зыходнік]
Задума стварэння карціны «Ноч на востраве Родас» нарадзілася ў Айвазоўскага пасля падарожжа да берагоў Малой Азіі і астравоў Грэчаскага архіпелага з адміралам Фёдарам Літке ўвесну 1845 года. Падчас згаданага падарожжа майстар не браўся за пэндзаль, аднак замалёўваў сотні аркушаў нарысамі прыбярэжных гарадоў, берагоў Крыта і Хіоса і краявідаў Канстанцінопалю, што пасля паслужыла Айвазоўскаму істотным матэрыялам для стварэння будучых карцін, у тым ліку і «Ночы на востраве Родас»[1].
Прытрымліваючыся сваёй традыцыі марыністычнага пейзажу, Айвазоўскі, нягледзячы на наяўнасць натуральных замалёвак, ствараў карціну паводле ўласнай памяці. Мастак лічыў немагчымым пісаць з натуры такую зменлівую стыхію, як мора[1].
Апісанне[правіць | правіць зыходнік]
Карціна «Ноч на востраве Родас» адлюстроўвае незвычайную для рускага вока архітэктуру і багатую міжземнаморскую расліннасць. Кампазіцыя твора ўтрымлівае жанравы матыў, але, як і ў большасці творах Айвазоўскага, на першы план выходзяць тры стыхіі: мора, неба і святло[1]. Эфекты месяцавага святла, акружанага лёгкімі празрыстымі аблокамі і месячная дарожка, якая перабіваецца грабянямі хваляў надае ззянне і бляск усёй кампазіцыі, адлюстроўваючыся на паверхні вады.
Іншае[правіць | правіць зыходнік]
- У межах праекту «Выстава адной карціны» з 6 студзеня па 6 лютага 2010 года «Ноч на востраве Родас» экспанавалася ў Нацыянальным мастацкім музеі Рэспублікі Беларусь[2]
Зноскі
- ↑ а б в г Іван Айвазоўскі. Ноч на востраве Родас. Нацыянальны мастацкі музей Рэспублікі Беларусь. Праверана 25 лютага 2011.(недаступная спасылка)
- ↑ «Ночь на острове Родос» Айвазовского выставлена в Национальном художественном музее (руск.). Naviny.by (6 студзеня 2010). Праверана 25 лютага 2011.
Літаратура[правіць | правіць зыходнік]
- Іван Айвазоўскі. Ноч на востраве Родас. Нацыянальны мастацкі музей Рэспублікі Беларусь.(недаступная спасылка)