Няпарнакапытныя

? Коневыя
Конь свойскі
Навуковая класіфікацыя
Царства:	Жывёлы
Тып:	Хордавыя
Падтып:	Хрыбетныя
Клас:	Сысуны
Атрад:	Няпарнакапытныя
Навуковая назва
Perissodactyla (Owen, 1848)
Сістэматыка на ВікіВідах Выявы ў ВікіСховішчы

Няпарнакапытныя, няпарнапальцыя (Perissodactyla) — атрад расліннаедных млекакормячых.

Вядомы з эацэну (каля 60 млн. г. назад). Адрозніваюць 9 выкапнёвых і 3 сучасныя сямействы: коневыя, насарогавыя, тапіравыя; 6 родаў, 16 відаў.

Конскі капыт

Даўжыня 1,8—5 м, маса ад 180 кг да 5 т. На нагах 1 або 3 пальцы (на пярэдніх зрэдку 4). Найбольш развіты трэці, сярэдні, палец, які заканчваецца капытом.

Дзікія віды пашыраны ў Азіі, Афрыцы, Паўднёвай Амерыцы, свойскія (коневыя) — на ўсёй сушы. Жывуць у розных ландшафтах, паасобна або невялікімі статкамі.

Палігамы. Нараджаюць звычайна 1 дзіцяня.

Літаратура

• Самусенка Э. Няпарнакапытныя // БЭ ў 18 т. Т. 11. Мн., 2000.