Нікола Паганіні

Нікола Паганіні Niccolò Paganini
Асноўная інфармацыя
Дата нараджэння	27 кастрычніка 1782(1782-10-27)
Месца нараджэння	Генуя, Генуэзская рэспубліка
Дата смерці	27 мая 1840(1840-05-27) (57 гадоў)
Месца смерці	Ніца, Сардзінскае каралеўства
Краіна	Італія
Прафесіі	кампазітар, музыкант, выканаўца-віртуоз
Інструменты	скрыпка, гітара
Нікола Паганіні на Вікісховішчы

Нікола Паганіні (іт. Niccolò Paganini; 27 красавіка 1782, Генуя — 27 мая 1840, Ніца) — італьянскі скрыпач і гітарыст-віртуоз, кампазітар. Адна з найбольш яскравых асоб музычнай гісторыі XVIII—XIX ст. Прызнаны геній сусветнага музычнага мастацтва.

Першае публічнае выступленне адбылося ў 11 гадоў, а першае канцэртнае турнэ — у 15 гадоў. Даў сотні канцэртаў у буйнейшых гарадах Эўропы. Яго ігра на скрыпцы вызначалася надзвычайнай лёгкасцю, віртуознасцю. Творчая дзейнасць Нікола Паганіні была перарвана ў 1834 ў сувязі з пагаршэннем стану яго здароўя і шэрагам публічных скандалаў. Фантастычная віртуознасць, дэманічны воблік, вулканічны тэмперамент парадзілі легенды вакол яго імя. Заклаў асновы сучаснай скрыпічнай выканальніцкай тэхнікі. З-за надзвычайнага майстэрства ігры на скрыпцы многія сучаснікі лічылі, што Паганіні валодае нейкай недасягальнай для іншых таямніцай ці нават што ён прадаў душу д'яблу. Яго творчасць аказала надзвычай моцны ўплыў на развіццё скрыпічнага мастацтва ўсіх наступных эпох.

Уласныя творы Нікола Паганіні маюць мноства вельмі складаных пасажаў, што сведчыць пра багацце тэхнічных прыёмаў. Адметная рыса яго твораў — гарманічнае спалучэнне высокай тэхнікі з творчай вынаходлівасцю і лагічнасцю канструкцыі. Яго музыка была класічнай па форме, але мела шмат рыс рамантызму.

Літаратура

• Культуралогія: Энцыклапедычны даведнік / Уклад. Э. Дубянецкі. — Мн.: БелЭн, 2003. ISBN 985-11-0277-6

Спасылкі

• Нікола Паганіні: Ноты твораў на International Music Score Library Project