Нільс Адольф Эрык Нордэншэльд

Нільс Адольф Эрык Нордэншэльд Nordenskiold
геолаг, географ, мараплавец
Дата нараджэння:	18 лістапада 1832
Месца нараджэння:	Гельсінгфорс, Вялікае княства Фінляндскае, Расійская імперыя
Дата смерці:	12 жніўня 1901(1901-08-12) (68 гадоў)
Месца смерці:	Дальбю, Швецыя

Сістэматык жывой прыроды

Аўтар найменняў шэрагу батанічных таксонаў. У батанічнай (бінарнай) наменклатуры гэтыя назвы дапаўняюцца скарачэннем «Nordensk.». Спіс такіх таксонаў на сайте IPNI Персанальная старонка на сайце IPNI Даследчык, які апісаў шэраг заалагічных таксонаў. Для ўказання аўтарства, назвы гэтых таксонаў суправаджаюць абазначэннем «Nordenskiold».

Нільс Адольф Эрык Нордэншэльд (шв.: Nils Adolf Erik Nordenskiöld, 18 лістапада 1832, Хельсінкі — 12 жніўня 1901) - шведскі географ і геолаг, даследчык Арктыкі. Член Стакгольмскай АН (1858). Член-карэспандэнт Пецярбургскай АН (1879). Скончыў Хельсінкскі ўніверсітэт. У 1856 і 1861 удзельнічаў у экспедыцыях на Шпіцберген пад кіраўніцтвам О.М. Торэля. У 1864 - 1873 гадах кіраваў экспедыцыяй на гэты архіпелаг, у 1870-1883 гадах - у Грэнландыю, дзе даследаваў яе ледавіты шчыт. У 1878 - 1879 гадах на судне "Вега" праплыў паўночна-усходнім праходам з Атлантычнага ў Ціхі акіян з зімоўкай на Чукоцкім паўвостраве.

Імем Нордэншэльда названы архіпелаг у Карскім моры, заліў і мыс на Новай Зямлі, мыс і ледавік у Грэнландыі, рака ў Канадзе і інш.

Літаратура

• Беларуская энцыклапедыя: У 18 т. Т.11: Мугір - Паліклініка / Рэдкал.: Г.П.Пашкоў і інш. - Мн.: БелЭн, 2000. - 560 с.: іл.

Спасылкі

• На ВікіСховішчы ёсць медыяфайлы па тэме Адольф Эрык Нордэншельд