Павел Андрэевіч Дудчык

Павел Андрэевіч Дудчык
Дата нараджэння	12 ліпеня 1918(1918-07-12)
Месца нараджэння	Аршанскі раён, Беларусь
Дата смерці	17 красавіка 1994(1994-04-17) (75 гадоў)
Месца смерці	Мінск, Беларусь
Месца пахавання	Мінск
Прыналежнасць	СССР
Род войскаў	артылерыя
Званне	палкоўнік
Бітвы/войны	Вялікая Айчынная вайна
Узнагароды і званні

Павел Андрэевіч Дудчык (12 ліпеня 1918, вёска Казённыя Паршні, Аршанскі раён — 17 красавіка 1994) — удзельнік Вялікай Айчыннай вайны, Герой Савецкага Саюза.

Біяграфія

У Чырвонай Арміі з 1938 г. У 1942 г. скончыў Бранскае ваенна-палітычнае вучылішча, у 1950 г. — Вышэйшую афіцэрскую артылерыйскую школу.

У Вялікую Айчынную вайну з мая 1942 г. на Калінінскім, Паўночна-Заходнім, 2-м Прыбалтыйскім, 1-м Украінскім і 4-м Украінскім франтах. Вызначыўся ў баях пад горадам Ліепая і за вёску Берзі (сучасны Добэльскі край, Латвія) у снежні 1944 г.: артылерыйская батарэя пад камандаваннем капітана Дудчыка за 6 гадзін адбіла 11 варожых контратак, знішчыла каля 200 гітлераўцаў, падбіла 8 танкаў і прымусіла ворага адступіць. Герой Савецкага Саюза (29.06.1945 г.).

Да 1959 г. у Савецкай Арміі, палкоўнік. Працаваў начальнікам штаба грамадзянскай абароны на Мінскім аўтазаводзе. Памёр і пахаваны ў Мінску.

Узнагароды

• Медаль «Залатая Зорка»,
• ордэн Леніна,
• 2 ордэны Айчыннай вайны 1-й ступені,
• 2 ордэны Айчыннай вайны 2-й ступені,
• 3 ордэны Чырвонай Зоркі,
• медалі.

Літаратура

• Дудчык Павел Андрэевіч // Памяць : гісторыка-дакументальная хроніка Оршы і Аршанскага раёна : у 2 кн. / рэдкал. Г. П. Пашкоў [і інш.]. — Мн., 1999. — Кн. 1. — С. 370.
• Дудчык Павел Андрэевіч // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6). — С. 255.

Спасылкі

• Павел Андрэевіч Дудчык на сайце «Героі краіны»