Павел Дзмітрыевіч Рэшатаў

Павел Дзмітрыевіч Рэшатаў
Павел Дзмітрыевіч Рэшатаў
	руск.: Павел Дмитриевич Решетов
Дата нараджэння	26 жніўня 1911
Месца нараджэння	Бегунова[d], Цвярскі павет[d], Цвярская губерня, Расійская імперыя;
Дата смерці	27 чэрвеня 1944 (32 гады)
Месца смерці	Абухава, Астровенскі сельсавет, Бешанковіцкі раён, Віцебская вобласць, БССР, СССР;
Месца пахавання	Смародзіна;
Прыналежнасць	СССР
Род войскаў	пяхота
Гады службы	1939—1940, 1942—1944
Званне	сяржант
Бітвы/войны	савецка-фінляндская вайна, Вялікая Айчынная вайна

Павел Дзмітрыевіч Рэ́шатаў (руск.: Павел Дмитриевич Решетов; 13 (26) жніўня 1911 — 27 чэрвеня 1944) — удзельнік савецка-фінляндскай і Вялікай Айчыннай войнаў, камандзір кулямётнага аддзялення, сяржант. Герой Савецкага Саюза (24.03.1945, пасмяротна).

Біяграфія[правіць | правіць зыходнік]

П. Д. Рэшатаў нарадзіўся ў вёсцы Бегунова (зараз у Калінінскім раёне Цвярской вобласці Расіі). Скончыў школу. Працаваў брыгадзірам трактарнай брыгады на радзіме. У Чырвонай Арміі з 1939 г. Удзельнік савецка-фінляндскай вайны 1939—1940 гг. Падчас Вялікай Айчыннай вайны з кастрычніка 1941 г. у партызанах. Пасля пераходу лініі фронту з сакавіка 1942 г. зноў у Чырвонай Арміі, на Заходнім фронце. За ўдзел у аперацыі «Марс» у снежні 1942 г. узнагароджаны ордэнам Чырвонай Зоркі і ордэнам Славы 3-й ступені. Удзельнічаў у баях на тэрыторыі Лёзненскага і Бешанковіцкага раёнаў Віцебскай вобласці.

Камандзір аддзялення 226-го стралковага палка 63-й стралковай дывізіі (39-я армія, 3-ці Беларускі фронт) сяржант П. Д. Рэшатаў вызначыўся 26 ліпеня 1944 г. у баі каля вёскі Абухава (Бешанковіцкі раён). Знішчыўшы каля 140 салдат праціўніка, рабіўшых спробу вырвацца з віцебскага «катла», падарваў сябе і яшчэ некалькі ворагаў апошняй гранатай.

Пахаваны на Вайсковых могілках у вёсцы Смародзіна Лёзненскага раёна Віцебскай вобласці.

Узнагароды[правіць | правіць зыходнік]

Памяць[правіць | правіць зыходнік]

Помнік у вёсцы Уна Лёзненскага раёна.
Імем П. Д. Рэшатава названа вуліца ў гарадскім пасёлку Лёзна.

Зноскі

Літаратура[правіць | правіць зыходнік]

Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 41. — 10 000 экз. — ISBN 985-11-0035-8. — ISBN 985-11-0238-5 (т. 14).
Навечно в сердце народном: Справочник / Главный ред. И. П. Шамякин. — 3-е изд., испр. и доп. — Мн.: БелСЭ, 1984. — 607 с. — 65 000 экз. (руск.)
Рэшатаў Павел Дзмітрыевіч // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — С. 183. — 10 000 экз. — ISBN 985-11-0214-8.

Спасылкі[правіць | правіць зыходнік]

13 августа. Этот день в истории Твери (руск.)
День освобождения Лиозненского района Архівавана 11 лістапада 2016. (руск.)
Герои земли Тверской Архівавана 17 красавіка 2016. (руск.)
Тверская земля в годы Великой Отечественной войны // Тверская ордена «Знак Почёта» областная универсальная научная библиотека им. А. М. Горького (руск.)