Павел III, Папа Рымскі

З пляцоўкі Вікіпедыя.
Перайсці да: рух, знайсці
Павел III
Paulus PP. III
Павел III
220-ы Папа Рымскі
13 кастрычніка 1534 — 10 лістапада 1549
Каранацыя: 3 лістапада 1534
Царква: Рымска-каталіцкая царква
Папярэднік: Клімент VII
Пераемнік: Юлій III
 
Імя пры нараджэнні: Алесандра Фарнезэ
Alessandro Farnese
Нараджэнне: 29 лютага 1468(1468-02-29)
Рым, Папская вобласць
Смерць: 10 лістапада 1549(1549-11-10) (81 год)
Рым
Прыняцце свяшчэннага сану: 1519
Епіскапская хіратанія: 1519
Кардынал з: 1493

Павел III (лац.: Paulus PP III; свецкае імя: Алесандра Фарнезе, італ. Alessandro Farnese; 29 лютага 1468 - 10 лістапада 1549) — Папа Рымскі з 13 кастрычніка 1534 па 10 лістапада 1549 г. Наведваў лекцыі гуманіста Пампонія Лета. Ва ўзросце 25 гадоў, не маючы духоўнага сану, быў прызначаны папам Аляксандрам VI кардыналам і епіскапам адразу трох дыяцэзій. Сваёй кар'ерай ён быў абавязаны сястры, Джуліі Фарнезэ, якая была палюбоўніцай папы Аляскандра VI. Юлій II ўзнагародзіў Алясандра чацвёртым, а Клімент VII — пятым епіскапствам. У 1534 годзе быў абраны Папам Рымскім.

Кардыналы разлічвалі, што дасведчаны ў палітычных справах Фарнезэ зможа ўмела манеўраваць паміж Францыяй і Габсбургамі. Пачатак яго пантыфікату не паказваў на тое, што ён мае намер правесці рэформу звычаяў папскай курыі.

У першай палове XVI стагоддзя папства ў шэрагу заходнееўрапейскіх дзяржаў пацярпела шэраг паразаў. Нават у асяроддзі італьянскага духавенства, у прыватнасці ў папскіх колах, заўважалася трывога. У сувязі з ростам лютэранскіх ідэй у Італіі папа Павел III у 1536 выдаў булу, якая пагражала адлучэннем ад царквы за ўсякую апеляцыю да сабора. У 1542 Павел III вырашыў выкарыстаць вопыт іспанскай інквізіцыі і булай «Licet ab initio» заснаваў у Рыме цэнтральны інквізіцыйны трыбунал з неабмежаванымі правамі.

У 1540 Павел III булай «Regiminis militantis ecclesiae» заснаваў езуіцкі ордэн з пералікам першых дзесяці яго членаў-заснавальнікаў.

Спасылкі[правіць | правіць зыходнік]