Панамскі бальбоа

Бальбоа — грашовая адзінка Рэспублікі Панама, роўная 100 сентэсіма.

Уведзена ў 1904 годзе і названая ў гонар іспанскага канкістадора Васка Нуньеса дэ Бальбоа. Да 1934 года залатое ўтрыманне Бальбоа складала 1,5048 г чыстага золата, што было крыху вышэй залатога ўтрымання долара ЗША (1,50463 г), аднак фактычна Бальбоа прыраўноўваўся да долара. У 1934 годзе ўстаноўлена цвёрдыя суадносіны да долара ЗША 1:1, якія існуюць да гэтага часу.

Манеты і банкноты

У абарачэнні знаходзяцца манеты ў 2, 1, 1/2, 1/4, 1/10 Бальбоа, 5 і 1 сентэсіма. Таксама выпушчаныя памятныя манеты наміналам 500, 200, 100, 75, 50, 20, 10, 5 і 1 Бальбоа.

Ролю папяровых грашовых знакаў выконваюць долары ЗША, якія з'яўляюцца законным плацежным сродкам. Толькі аднойчы, у 1941 годзе, былі выпушчаны банкноты ў 20, 10, 5 і 1 Бальбоа, аднак праз некалькі дзён яны былі выключаны са звароту, атрымаўшы назву «сямідзённых долараў».

Спасылкі

• Штодзённыя манеты Панамы Архівавана 25 студзеня 2012.