Парыжскі басейн
Парыжскі басейн (фр.: Bassin de Paris), Паўночна-Французская нізіна — узгорыстая раўніна ў паўночнай частцы Францыі, якая займае вялікую частку краіны. Вышыня прыкладна 100-150 м.
У цэнтры Парыжскага басейна размешчаны Парыж, адсюль раўніна паступова ўзвышаецца да Ардэнаў, Вагезаў, Цэнтральнага масіва і Армарыканскага ўзвышша.
Па Парыжскім басейне працякае мноства паўнаводных рэк, якія адносяцца ў асноўным да басейна Сены. На раўніне ўмераны марскі клімат, сярэдняя тэмпература ліпеня - 18 °, студзеня - 3 ° C, за год выпадае 500-700 мм ападкаў.
