Патрыс Лумумба

Патрыс Эмеры Лумумба
Patrice Émery Lumumba
1-ы Прэм’ер-міністр Рэспублікі Конга 24 чэрвеня — 14 верасня 1960
Папярэднік	пасада заснавана
Пераемнік	Жазеф Ілео
Нараджэнне	2 ліпеня 1925(1925-07-02) Аналуа, Катакакамбэ, Бельгійскае Конга.
Смерць	17 студзеня 1961(1961-01-17) (35 гадоў) Элізабетвіль (цяпер Лубумбашы), правінцыя Катанга
Жонка	Pauline Opango[d]
Дзеці	François Lumumba[d], Guy-Patrice Lumumba[d], Juliane Amato Lumumba[d] і Roland Lumumba[d]
Веравызнанне	Каталіцкая Царква
Партыя	Нацыянальны рух Конга
Дзейнасць	палітык, рэвалюцыянер
Бітвы	Кангалезскі крызіс
Узнагароды
Медыяфайлы на Вікісховішчы

Патрыс Эмеры Лумумба (фр.: Patrice Émery Lumumba, 2 ліпеня 1925, Аналуа-17 студзеня 1961) — кангалезскі палітычны і дзяржаўны дзеяч, першы прэм'ер-міністр Дэмакратычнай Рэспублікі Конга пасля абвяшчэння яе незалежнасці ў чэрвені 1960, нацыянальны герой Заіра, паэт і адзін з сімвалаў барацьбы народаў Афрыкі за незалежнасць. Заснавальнік (1958) і кіраўнік партыі Нацыянальны рух Конга.

Працаваў пісарам, паштовым служачым у бельгійскай кампаніі. З канца 1940-х гадоў удзельнік прафсаюзнага руху Бельгійскага Конга. Кіраваў выданнем газет «Uhuru» («Свабода»), «Independance» («Незалежнасць»). У 1958 годзе заснаваў партыю Народны Рух Конга. За сваю дзейнасць неаднаразова арыштоўваўся бельгійскімі каланіяльнымі ўладамі. У 1958-59 гадах дэлегат канферэнцыі народаў Афрыкі ў г. Акра (Гана), у 1960 годзе ўдзельнік бельгійска-кангалезскай канферэнцыі ў Бруселі. З чэрвеня 1960 года прэм'ер-міністр Конга. 14 верасня 1960 года скінуты генералам С. С. Мабуту, арыштаваны і забіты.

Літаратура

• Беларуская энцыклапедыя: У 18 т. Т.9: Кулібін — Малаіта / Рэдкал.: Г. П. Пашкоў і інш. — Мн.: БелЭн, 1999. — Т. 9. — 560 с. — 10 000 экз. — ISBN 985-11-0155-9 (т.9)