Паўночна-Заходняя правінцыя (ПАР)
| Паўночна-Заходняя правінцыя | |||
|---|---|---|---|
| англ.: North West афр.: Noordwes коса Nyakatho-Ntshonalanga тсвана: Bokone Bophirima | |||
|
|||
| Краіна |
 Паўднёва-Афрыканская Рэспубліка |
||
| Статус | Правінцыя ПАР | ||
| Уваходзіць у | |||
| Уключае | 4 раённыя акругі | ||
| Адміністрацыйны цэнтр | Мафікенг | ||
| Дата ўтварэння | 1994 | ||
| Прэм'ер-міністр | Supra Mahumapelo (АНК) | ||
| Афіцыйныя мовы |
тсвана (65,4 %) афрыкаанс (7,5 %) коса (5,9 %) сесота (5,7 %) тсонга (4,7 %) паўночны сота (4,2 %) |
||
| Насельніцтва (2011) | 3 509 953 | ||
| Шчыльнасць | 33,47 чал./км² | ||
| Плошча | 104 882 км² | ||
| Вышыня над узроўнем мора |
1 453 м | ||
 |
|||
| Часавы пояс | UTC+2 | ||
| Код ISO 3166-2 | ZA-NW | ||
| Афіцыйны сайт | |||
 Медыяфайлы на Вікісховішчы | |||
Паўночна-Заходняя правінцыя (англ.: North West, афр.: Noordwes, коса Nyakatho-Ntshonalanga, тсвана: Bokone Bophirima) — шостая па велічыні правінцыя Паўднёва-Афрыканскай Рэспублікі. На поўначы мяжуе з Батсванай, на захадзе з Паўночнай Капскай правінцыяй, на поўдні з правінцыяй Свабодная дзяржава, на паўднёвым усходзе з правінцыяй Гаўтэнг, на ўсходзе з Лімпапо. Утворана ў 1994 годзе пасля адміністрацыйнай рэформы. Адміністрацыйным цэнтрам правінцыі з'яўляецца горад Мафікенг. Самы буйны горад — Рустэнбург.
Геаграфія і клімат[правіць | правіць зыходнік]
Большая частка тэрыторыі ўяўляе сабой плоскую раўніну з травяністай расліннасцю і асобнымі дрэвамі. Горны хрыбет Магалісберг працягнуўся на паўночным усходзе на 130 км ад Прэторыі да Рустэнбурга. Рака Ваал фарміруе паўднёвую мяжу правінцыі.
Тэмпературы вар'іруюцца ад 17 да 31 °С у летнія месяцы і ад 3 да 21 °С у зімовыя месяцы. Сярэднегадавы ўзровень ападкаў складае 360 мм, амаль усе яны выпадаюць з кастрычніка па красавік.
Насельніцтва[правіць | правіць зыходнік]
Большая частка насельніцтва размаўляе на мове тсвана (65,4 %), іншыя мовы ўключаюць афрыкаанс, сота, коса, англійскую. Большая частка насельніцтва вызнае хрысціянства. Узровень пісьменнасці складае ўсяго 57 %, правінцыя мае найменшую ў ПАР долю насельніцтва, якое атрымала вышэйшую адукацыю.
| <1 /км² 1–3 /км² 3–10 /км² 10–30 /км² 30–100 /км² | 100–300 /км² 300–1000 /км² 1000–3000 /км² >3000 /км² |
| Афрыкаанс Англійская Паўднёвы Ндэбеле Коса Зулу | Паўночны сота Сота Тсвана Тсонга Няма пераважнай мовы |
Эканоміка[правіць | правіць зыходнік]
Асновай эканомікі з'яўляецца здабыўная прамысловасць, якая складае больш за палову яе ВУП і забяспечвае працай каля чвэрці насельніцтва. Асноўныя карысныя выкапні ўключаюць золата, уран, плаціну і алмазы. На поўначы і захадзе правінцыі развіта авечкагадоўля і гадоўля буйной рагатай жывёлы. Усход і поўдзень правінцыі — сельскагаспадарчыя рэгіёны, дзе вырошчваюцца кукуруза, сланечнік, тытунь, бавоўна, цытрусавыя.
Спасылкі[правіць | правіць зыходнік]
На Вікісховішчы ёсць медыяфайлы па тэме Паўночна-Заходняя правінцыя (ПАР)- Паўночна-Заходняя правінцыя Архівавана 18 кастрычніка 2010. на сайце «Пра ПАР»
