Першамайскі раён, Мінск

Першамайскі раён, адміністрацыйны раён Мінска. Размешчаны ў паўночна-ўсходняй частцы горада. Межамі раёна з’яўляюцца Лагойскі тракт, вуліцы Якуба Коласа, Сурганава, праспект Незалежнасці, вуліцы Броўкі, Платонава, Казлова, Сляпянская водная сістэма, вуліцы Філімонава, Скарыны, чыгунка на Маскву, аўтадарога Калодзішчы — Заслаўе, вуліца Гінтаўта, МКАД да Лагойскага тракта.

Гісторыя

Створаны ў 1969. Для арганізацыі Першамайскага раёна была выдзелена тэрыторыя з Савецкага, Заводскага і Ленінскага раёнаў.

Культурны ўплыў

На тэрыторыі раёна размешчаны комплекс будынкаў Нацыянальнай акадэміі навук Беларусі, Беларускі аграрны тэхнічны ўніверсітэт, Нацыянальная бібліятэка Беларусі, кінастудыя «Беларусьфільм», Белдзяржтэлерадыёкампанія. Адведзены ўчастак пад забудову Парка высокіх тэхналогій.

Гл. таксама

• мікрараён вуліцы Валгаградская
• Зялёны Луг
• Уручча
• Усход
• Бяляева
• Ватуціна
• Гарбатава
• Гурцьева
• Карбышава
• Нікіфарава
• Пуцілава
• Русіянава
• Фогеля
• Чайкоўскага
• Шугаева