Порваская супольнасць
По́рваская супо́льнасць — супольнасць 13 збольшага паўночнаеўрапейскіх англіканскіх і лютэранскіх цэркваў. Утворана ў 1992 падпісаннем Порваскай агульнай дэкларацыі, якая заснавала поўную супольнасць[1]. Хоць насамрэч дэкларацыя была заключана ў Ярвенпяя (Фінляндыя), аднак назва супольнасці паходзіць ад Порваа, дзе адбываліся супольныя святкаванні з нагоды заключэння святой супольнасці.
У 1938 годзе архібіскуп кентэрберыйскі запрасіў прадстаўнікоў Эстонскай лютэранскай царквы і Латвійскай лютэранскай царквы ў Ламбецкі палац, каб дасягнуць «алтарнага і кафедральнага братэрства» між англіканскай і балтыйскімі лютэранскімі цэрквамі. Гэты працэс прыйшоў да фармальнага заключэння з заснаваннем больш шырокай Порваскай супольнасці ў 1992. У яе ўвайшлі англіканскія цэрквы Брытанскіх астравоў і лютэранскія цэрквы паўночнаеўрапейскіх краін. Пазней далучыліся англіканскія цэрквы Іберыйскага паўвострава. Усе гэтыя цэрквы падзяляюць епіскапальную палітыку.
Порваская супольнасць не мае цэнтральнага альбо надгляднага органа. Кожная царква-ўдзельніца мае кантактную асобу, з якіх складаецца кантактная група, што збіраецца штогод. Два біскупы з групы, лютэранскі і англіканскі, ёсць яе самадэратарамі, і такім самым чынам абіраюцца два са-сакратары[2]. Дзеля абмеркавання пытанняў, датычных усяе Супольнасці, склікаюцца таксама канферэнцыі і сходы[3].
Удзельнікі[правіць | правіць зыходнік]
Падпісанты Порваскай дэкларацыі:[4][5]
- 1994
- Эстонская евангельская лютэранская царква
- Евангельская лютэранская царква Літвы
- Царква Нарвегіі
- Шатландская епіскапальная царква
- Царква Швецыі
- 1995
- Царква Англіі
- Евангельская лютэранская царква Фінляндыі
- Царква Ірландыі
- Царква Ісландыі
- Царква ва Уэльсе
- 2001
- Люзытанская каталіцкая апостальская евангельская царква (Партугалія)
- Іспанская рэфармаваная епіскапская царква
- 2010
Цэрквы-назіральніцы:[6]
- Евангельская лютэранская царква Латвіі (1994)
- Латвійская евангельская царква за мяжой (2010)
- Лютэранская царква Вялікабрытаніі (2010)
Зноскі
- ↑ THE PORVOO COMMON STATEMENT
- ↑ Porvoo Communion. Праверана 18 чэрвеня 2010.
- ↑ Interchange. Праверана 18 чэрвеня 2010.
- ↑ The Porvoo Communion: Anglican Churches. Праверана 3 студзеня 2011.
- ↑ The Porvoo Communion: Lutheran Churches. Праверана 3 студзеня 2011.
- ↑ The Porvoo Communion: Observer Churches. Праверана 3 студзеня 2011.