Прадслава Уладзіміраўна
| Прадслава Уладзіміраўна | |
|---|---|
| Нараджэнне | не пазней за 987 |
| Смерць | не раней за 1018 |
| Род | Рурыкавічы |
| Бацька | Уладзімір Святаславіч |
Прадслава Уладзіміраўна (? — 1017/1042), дачка Уладзіміра Святаславіча.
Біяграфія[правіць | правіць зыходнік]
Паводле Іпацьеўскага летапісу, Прадслава папярэдзіла Яраслава пра гібель Барыса і Глеба[1]. Паводле Пячэрскага патэрыка, пахавала Майсея Угрына, адданага дружынніка Барыса. Пасля заняцця Кіева польскім каролём Баляслам Храбрым палоненая Прадслава стала яго наложніцай, магчыма, гэта было помстай ёй з боку Святаполка за дапамогу Яраславу.
Адступаючы з Кіева, Баляслаў вывеў Прадславу з сабою ў Польшчу[2][3]. Паводле польскіх крыніц, Баляслаў хацеў узяць шлюб з Прадславай. Трэцяя жонка Баляслава Эмгільда памерла ў 1017 годзе, а яго шлюб з Одай, дачкой мейсенскага маркграфа Экегарда І, адбыўся 3 лютага 1018 года. Такім чынам, перамовы пра магчымы шлюб Баляслава з Прадславай маглі ісці ў 1017 годзе, калі Яраслаў вёў перамовы з імператарам Свяшчэннай Рымскай імперыі пра саюз супраць Польшчы.
Чацвёртая жонка Баляслава Ода памерла пасля 1018 года, магчыма, польскі кароль нейкі час жыў яшчэ і з Прадславай, але ў 1042 годзе, калі палякі вярнулі 800 рускіх палонных, Прадславы сярод іх не было. Відавочна, яна памерла ў палоне да 1042 года[4].
Зноскі
- ↑ ПСРЛ, Т.2. Ипатьевская летопись. Фототип. изд. 1908 г. —М., 1962. —XVI — 938 стб. —87 с. —IV c. Стб.129.
- ↑ ПСРЛ, Т.5. II Псковская летопись. Часть I Софийской летописи. —СПб., 1848. —656 с. С. 132.
- ↑ ПСРЛ, Т.7. Воскресенская летопись. —СПб., 1856. —544 с. С. 326.
- ↑ Balzer O. Genealogia Piastów. — Kraków, 1895. —XV+ 575s. S. 41-43.
Літаратура[правіць | правіць зыходнік]
- Войтович Л. Князівські династії Східної Європи (кінець IX — початок XVI ст.): склад, суспільна і політична роль. Історико-генеалогічне дослідження. Львів, 2000.
 Прадслава Уладзіміраўна — продкі |
|---|
Слоўнікі і энцыклапедыі | |
|---|---|
| Генеалогія і некрапалістыка |