Прамакрылыя

З пляцоўкі Вікіпедыя.
Перайсці да: рух, знайсці
Прамакрылыя
Ephippiger ephippiger
Ephippiger ephippiger
Навуковая класіфікацыя
Міжнародная навуковая назва

Orthoptera Latreille, 1793

Сінонімы
Saltatoria
Падатрады
Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS   102160
NCBI   6993
EOL   683

Прамакрылыя, прастакрылыя (Orthoptera) — атрад насякомых.

Вядомы з верхняга карбону (каля 270 млн г. назад). 2 падатрады: даўгавусыя з надсямействамі конікавых, цвыркуновых, цвыркунападобных, эдысхідавых і караткавусыя з надсямействамі саранчовых, бестымпанальных, пухірчатых, трыперставых, тэтрыгідавых. Каля 20 тыс. відаў.

Пашыраны амаль усюды, пераважна ў тропіках і субтропіках. Жывуць у траве, на кустах і дрэвах, некаторыя ў глебе і на яе паверхні. На Беларусі каля 70 відаў з надсямействаў конікавых, саранчовых, тэтрыгідавых і цвыркуновых.

Даўжыня ад некалькіх міліметраў да 10 см. Цела прадаўгаватае, сціснутае з бакоў, зеленаватае, жаўтаватае, шараватае. Ротавыя органы грызучыя. Заднія ногі скакальныя. Пярэднія крылы скурыстыя, заднія перапончатыя, у шэрагу відаў кароткія або рэдукаваныя. Брушка 10-членікавае з нячленістымі прыдаткамі — цэркамі, у самак з яйцакладам. У некаторых відаў ёсць органы слыху і гукавы апарат. Большасць расліннаедныя, ёсць драпежнікі і ўсёедныя.

Развіццё з няпоўным ператварэннем. Характэрна фазавая зменлівасць — полімарфізм. Адно пакаленне за год.

Некаторыя віды — шкоднікі сельскагаспадарчых культур.

Літаратура[правіць | правіць зыходнік]

  • Смірнова Т. Прамакрылыя // БЭ ў 18 т. Т. 13. Мн., 2001.