Пётр Адамавіч Лявіцкі

Пётр Адамавіч Лявіцкі
Нараджэнне	26 жніўня 1908(1908-08-26) Лазовае, Градзянскі сельсавет, Асіповіцкі раён, Беларусь
Смерць	24 лістапада 1977(1977-11-24) (69 гадоў)
Партыя	КПСС
Адукацыя	Маскоўская сельскагаспадарчая акадэмія імя К. А. Ціміразева
Дзейнасць	палітык
Месца працы	Мар’інагорскі дзяржаўны аграрна-тэхнічны каледж імя У. Е. Лабанка
Бітвы	Вялікая Айчынная вайна
Узнагароды

Пётр Ада́мавіч Ляві́цкі (26 жніўня 1908, вёска Лазовае, Асіповіцкі раён — 24 лістапада 1977) — партыйны і дзяржаўны дзеяч БССР.

Біяграфія

Закончыў Маскоўскую сельскагаспадарчую акадэмію (1935).

З 1925 года на савецкай рабоце ў Асіповіцкім раёне. У 1928—1931 гадах служыў у дывізіі асобага прызначэння імя Дзяржынскага пры калегіі АДПУ.

З 1936 года дырэктар Мар’інагорскага сельскагаспадарчага тэхнікума.

З 1939 года загадчык аддзела, другі сакратар Мінскага, са студзеня 1941 года 1-ы сакратар Палескага абкомаў КП(б)Б.

У пачатку Айчыннай вайны адзін з арганізатараў партызанскага руху на Палессі. З кастрычніка 1941 года сакратар Алтайскага крайкама УКП(б). З лістапада 1942 года у апараце ЦК УКП(б). Са жніўня 1943 года — 1-ы сакратар Палескага абкама КП(б)Б, адначасова член ваеннага савета 61-й арміі.

У 1944—1947 гадах 1-ы намеснік старшыні Савета Міністраў БССР. З 1947 года — начальнік Баранавіцкага абласнога ўпраўлення сельскай гаспадаркі, 1-ы намеснік міністра сельскай гаспадаркі БССР.

З 1956 года — 1-ы намеснік старшыні Савета Міністраў Літоўскай ССР.

З 1959 года — намеснік старшыні, старшыня Магілёўскага аблвыканкама.

У 1964—1966 гадах — начальнік Галоўнага ўпраўлення меліярацыі і воднай гаспадаркі пры Савеце Міністраў БССР.

Узнагароды

• ордэн Леніна
• ордэн Працоўнага Чырвонага Сцяга
• медалі.

Літаратура

• Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).