Пётр Весялоўскі

Пётр Весялоўскі
Надмагілле Пятра Весялоўскага
Агоньчык[d]
Вялікі маршалак літоўскі 1615 — 1621
Папярэднік	Крыштаф Дарагастайскі
Пераемнік	Ян Станіслаў Сапега
Нараджэнне	XVI стагоддзе
Смерць	не раней за верасень 1619 і не пазней за 1621
Месца пахавання	Беластоцкі сабор[d]
Род	Весялоўскія
Бацька	Пётр Весялоўскі
Маці	Кацярына з Валовічаў
Жонка	Соф’я з Любамірскіх[d]
Дзеці	Крыштаф Весялоўскі, Мікалай Весялоўскі, Гальшка з Весялоўскіх[d], Ганна з Весялоўскіх[d] і Марцін Весялоўскі[d]
Дзейнасць	дзяржаўны дзеяч
Медыяфайлы на Вікісховішчы

Пётр Весялоўскі (да 1556—1621) — вялікалітоўскі дзяржаўны дзеяч. Сакратар каралеўскі, падскарбі надворны (1590—1598), маршалак надворны (1598—1615) і вялікі маршалак літоўскі (з 1615). Староста гродскі ковенскі (1592), староста тыкоцінскі i румбарскі (1598), васількаўскі (1603).

Біяграфія

З роду Весялоўскіх герба «Агеньчык» зменены, сын Пятра і Кацярыны з Валовічаў.

Адукацыю атрымаў у нямецкіх рэфармацыйных універсітэтах, пазней перайшоў у каталіцтва.

Быў адным з 6 прадстаўнікоў ад шляхецкага стану на канвакацыйным сойме 1573 года.

Пасля родзічаў быў уладальнікам Беластока, фундаваў там парафіяльны касцёл, a ў 1617 годзе пачаў будоўлю мураванага цяперашняга касцёла, завершаны сынам Крыштафам і стаў яго маўзалеем. Таксама ў Беластоку пабудаваў палац паводле праекта архітэктара Якуба Брэтвуса. Летнюю рэзідэнцыю меў у Каменнай каля Дубровы Беластоцкай. Фундаваў касцёл у Старой Каменнай (станам на 2020 год найстарэйшае драўлянае збудаванне Падляшша).

Сям’я

У 1579 годзе ажаніўся з Соф’яй з Любамірскіх, дачкой Станіслава і Барбары з Грушоўскіх. У шлюбе яны мелі трох сыноў і трох дачок.

• Мікалая (?—1634) — кашталяна жамойцкага (?—1634), пахаваны ў Тыкоціне.
• Мацея (?—1625) — старосту румбарскага ў Інфлянтах (1603—1625).
• Крыштафа (?—1637) — вялікага маршалка літоўскага (1623—1637).
• Ганну — жонку Яна Халецкага (?—1615), вялікага мечніка літоўскага.
• Альжбету (Гальшку) — жонку 1) з 1612 года Вінцэнта Войны (?—1615), ротмістра, старосты інтурскага; 2) не пазней за 1621 год князя Юрыя Крошынскага.
• Кацярыну — жонку Дзмітрыя Карпа, падваяводы віленскага.

Літаратура

• Радаман А. Весялоўскія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — С. 404. — 688 с. — ISBN 985-11-0314-4 (т. 1), ISBN 985-11-0315-2.
• Яшчолт Т., Рыжэўскі Г. Крыштаф Весялоўскі гербу Агеньчык і яго тэстамент // Архіварыус. — Мінск: НГАБ, 2008. — Вып. 6. — С. 86—109.